កំណាព្យ = នឹកភូមិ នឹកស្រុក(បទបន្ទោលកាក )
-ឃ្លាតកាយឆ្ងាយភូមិ ឃ្លាតទាំងទ្រនុំធ្លាប់នៅ ចិន្តាហ្មងសៅ ហៅសែនកណ្តោចកណ្តែង។
-នឹកវាលស្រែស្រូវ នឹកដល់ពាក្យពៅធ្លាប់ថ្លែង នឹកទីកន្លែង នឹកជ្រោះជ្រលងដងអូរ។
-នឹកខ្ទមចាំស្រែ នឹកគ្មានពេលល្ហែវាយោ បក់គន្ធពិដោរ នៃរសបុប្ផាព្រៃភ្នំ។
-នឹកសៀងសូរស័ព្ទ ពិរោះស័ព្ទគាប់រណ្តំ លលកបូលយំ ព្រោះឃ្លាតទ្រនុំធ្លាប់ជ្រក។
-ខ្ញុំសែនអាល័យ នឹកឃើញសំដីពន្លក ចចារទៅមក ឥឡូវខានស្តាប់សូរសៀង។
-សំណព្វហឫទ័យ នែបនិត្យមេត្រីជិតនាង នឹករដូវភ្លៀង យើងច្រៀងចម្រៀងឆ្លើយឆ្លង។
-ធ្លាប់ងូតទឹកអូរ រហាត់ទឹកថ្ងូរផ្តោះផ្តង សំណាងកន្លង បានជួបនួនល្អងជាគូរ។
-សម្រស់ផ្កាព្រៃ កាច់សៀតកេសី ដូចគូរ គន់មើលយូរៗ រៀមស្ទើភ្លេចភ្លឹកនេត្រា។
-មើលហ្វូងបក្សី ប្រចឹកចំណី ត្រៀបត្រា សប្បាយអស្ចារ្យ ឥតមានខ្វល់ខ្វាយរឿងអ្វី។
-បណ្តែតអារម្មណ៍ នឹកគ្រាភិរម្យក្មេងវ័យ ទិវាមានន័យ នឹកចាំចំណាំមិនភ្លេច។
-នឹកវាលស្រែស្រូវ នឹកដល់ពាក្យពៅធ្លាប់ថ្លែង នឹកទីកន្លែង នឹកជ្រោះជ្រលងដងអូរ។
-នឹកខ្ទមចាំស្រែ នឹកគ្មានពេលល្ហែវាយោ បក់គន្ធពិដោរ នៃរសបុប្ផាព្រៃភ្នំ។
-នឹកសៀងសូរស័ព្ទ ពិរោះស័ព្ទគាប់រណ្តំ លលកបូលយំ ព្រោះឃ្លាតទ្រនុំធ្លាប់ជ្រក។
-ខ្ញុំសែនអាល័យ នឹកឃើញសំដីពន្លក ចចារទៅមក ឥឡូវខានស្តាប់សូរសៀង។
-សំណព្វហឫទ័យ នែបនិត្យមេត្រីជិតនាង នឹករដូវភ្លៀង យើងច្រៀងចម្រៀងឆ្លើយឆ្លង។
-ធ្លាប់ងូតទឹកអូរ រហាត់ទឹកថ្ងូរផ្តោះផ្តង សំណាងកន្លង បានជួបនួនល្អងជាគូរ។
-សម្រស់ផ្កាព្រៃ កាច់សៀតកេសី ដូចគូរ គន់មើលយូរៗ រៀមស្ទើភ្លេចភ្លឹកនេត្រា។
-មើលហ្វូងបក្សី ប្រចឹកចំណី ត្រៀបត្រា សប្បាយអស្ចារ្យ ឥតមានខ្វល់ខ្វាយរឿងអ្វី។
-បណ្តែតអារម្មណ៍ នឹកគ្រាភិរម្យក្មេងវ័យ ទិវាមានន័យ នឹកចាំចំណាំមិនភ្លេច។
0 comments:
Post a Comment