APSARA (Apsara Khmer)

Cambodia Apsara កំណាព្យ = ឱ អប្សារាស្រី

-ឱ អប្សារាអើយខ្ញុំលួចស្នេហ៍ ចង់បាននាងក្បែរនៅនែបនិត្យ បានត្រឹមសុបិនថាវរមិត្ត ឆោមយង់ស្នាលស្នឹទ្ធជីតរៀមរ៉ា។
-ដងខ្លួនល្វតល្វន់ទន់ល្វតល្វៃ ល្អអស់លើសស្រីឋានសួគា៌ ចិញ្ចើមងរខ្វង់សមនេត្រា រីឯកេសាវែងអន្លាយ។
-ឱ អប្សារា ខ្ញុំជំពាក់ ចង់គន់មើលភ័ក្ត្រមិនជិនណាយ នាងរាំរបាំ ញញឹមខ្ចាយ ស្វាគមន៍គ្រប់កាយភ្ញៀវទស្សនា។
-រៀមប្រឹងសម្លឹងទ្រឹងភ្លេចខ្លួន បេះដូងអង្រួនលួចស្នេហា ល្អអើយសែនល្អនាងអប្សារា តំណាងធីតាកល្យាណី។
-សុភាពរមទម្យសមឥតខ្ចោះ គន់មើលគ្មានទាស់ទាំងជើងដៃ វង់ភ័ក្រ្ត ដូចខែពេញបូរមីណ៍ បានត្រឹមស្រម័យតែមិនហ៊ាន។
-បុប្ផាខេមរារីករហង់ ល្អល្អះអស់អង្គគួរចង់បាន ល្អឫកល្អរាងស្រស់ភុំផាន ប្រពៃណីជាស្ពានទំនៀមខ្មែរ។
-របាំអប្សារាជាមង្គល ប្រសើរសុខសល់ដំណែលកេរ្ត៍ ក្បូរក្បាច់ចម្លាក់គួរខំថែ ប្រាង្គប្រាសាទខ្មែរច្រើនស្អេកស្កះ។
-របាំអប្សារានៃឋានសួគ៌ ក្បាច់រាំ បវរជាមោទនះ ខ្មែរអើយរក្សាដោយស្មោះស្ម័គ្រ វប្បធម៌ចារឆ្លាក់ជាតិខេមរា។
-របាំប្រពៃថ្លៃដូចពេជ្រ អរិយធម៌រំលេចល្អអស្ចារ្យ ល្បីល្បាញនាមាលើលោកា ឱ អប្សារា កុលស្រ្តីខ្មែរ ........!

The Heart Behavior

My Heart កំណាព្យ = បេះដូងខ្ញុំមួយ...

-បេះដូងតែមួយ បែកច្រើនផ្នែក គិតចង់រំលែកខ្វល់ព្រួយភ័យ ខ្លាចជាតិបាត់បង់ សូន្យទឹកដី ណាគិតដល់ផ្ទៃឃ្លានឈឺផ្សា។
-ណាគិតដល់កូនមិនដល់ត្រើយ បេះដូងខ្ញុំអើយសែនគ្រាំគ្រា ណាគិតដល់ម្តាយចាស់ជរា បេះដូងពុះពារមិនហ៊ានឈប់។
-បេះដូងនៃខ្ញុំបរិសុទ្ធណាស់ ឧត្តមគតិមិនផ្លាស់ គ្មានថ្ងៃចប់ បេះដូងជាម្តាយតែងជាម្លប់ តស៊ូមិនឈប់ដើម្បីបុត្រ។
-ប៉ុន្តែពេលខ្លះបេះដូងខ្ញុំ ស្រពាប់ស្រពោនចង់ស្ងៀមស្ងប់ ធុញឆាកជីវិតដ៏អភ័ព្វ រស់គ្មានក្តីគាប់ក្នុងជីវិត។
-ពេលខ្លះបេះដូងប្រែក្លាហាន កម្លាំងរុញច្រានមហិមាពិត បន្តរដំណើរ ទោះកម្មកិត អំណាចទឹកចិត្តទល់ឧបស័គ្គ។ -អរគុណបេះដូងមិនទន់ជ្រាយ រឹងមាំមិនណាយ ខ្ញុំមោទនះ ទោះកម្មកំណាចជាច្រវាក់ ក៏បេះដូងឆ្លាក់ វិរភាព។

The road to be happiness

Take time to be friendly - It's the road to happiness .....

-មិត្តល្អកម្រនឹងរកបាន មិត្តពាលសាមាណ្យងាយរកណាស់ មុនសេពគប់មិត្តគិតឲ្យច្បាស់ មិត្តខ្លះនាំយើងផុងអបាយ។
-បុគ្គលិកលក្ខណះជាមនុស្សល្អ ប្រកបដោយធម៌ភ្លឺពណ្ណរាយ មិត្តល្អជាទ្រព្យបុណ្យសម្ពាយ ណែនាំមិនណាយផ្លូវសុចរិត។
-បាបមិត្តផ្អែមពិតតែមាត់ក្រៅ កេងកិបនាំផ្លូវ អាក្រក់ពិត ពេលយើងមានប្រាក់ឫកជិតស្នឹទ្ធ ពេលយើងដាបពិតចិត្តប្រែប្រួល។
-ប្រៀបដូចពាឡម្រឹគស្វែងចំណី យើងដូចឈ្លូសព្រៃកំពុងដួល គេគ្មានមេត្តា អាសូរដល់ ត្របាក់គ្មានសល់តាមគម្លាន។
-ប្រើភ្នែកសម្លឹងប្រឹងពិនិត្យ គប់មិត្តត្រូវគិតចិត្តជាឈាន ស្មោះស្ម័គ្រមិនគិតរឿងក្រមាន នេះហៅកល្យាណមិត្តប្រាកដ។
-ជួយយើងពេលជួបភ័យអាសន្ន ទោះគ្មានទ្រព្យធន ចិត្តបរិសុទ្ធ ជួយលួង ទឹកចិត្ត ដោយសន្មត់ ទោះក្រកំសត់អត់ធ្មត់ក្បែរ។
-យើងជួបមិត្តល្អជាសំណាង បុព្វេបានសាងកុសលទ្វេរ ស្មើនិស្ស័យគាប់ភ្ជាប់ស្ថិតស្ថេរ យូលង់រយខែមិនប្រែចិត្ត។

The Evening's view after rain

កំណាព្យ =សាយ័ន្តសោភាក្រោយពេលភ្លៀងរួច

-អារម្មណ៍ស្រស់ថ្លាសាយ័ន្តត្រជាក់ ក្រោយពេលភ្លៀងធ្លាក់ស្រោចស្រពបុប្ផា បង្អួតបង្អែបសាយក្លិនគន្ធា ពេញល្វែងនាសានារសៀលនេះ។
-បំពេញកាតព្វកិច្ចជាពលរដ្ឋរួច ឥឡូវដេកហួចសំរាកនៅផ្ទះ មើលមេឃស្រទុំពពកដេរដាស់ ផ្ទៃពណ៌ត្រចះគួរគួចចេតនា។
-សត្វហើរត្រសងវិលរកទ្រនុំ ដើម្បីជួបជុំជាមួយបុត្រភ្ងា មានទាំងចំណីទុកបរិភោក្តា ម្ល៉េះកូនឃ្លានផ្សានៅក្នុងសំបុក។
-សត្វហើរជាហ្វូងហាក់ដូចក្បួនទ័ព មិនអាចនឹងរាប់ ខ្លះហើរក្រោយមុខ ហិចហើរក្រវែលហាក់មានក្តីសុខ ច្រៀវច្រៃទំនុកស្តែងភាពរីករាយ។
-រស់ជាបក្សីបក្សាម្យ៉ាងដែរ រស់មួយឆ្អែតគែ គ្មានគិតខ្វល់ខ្វាយ មិនមានចិត្តលោភ ដូចមនុស្សទាំងឡាយ ស៊ីឆ្អែតក្អាកក្អាយជជែកអឺងកង។
-មិនដូចពួកមនុស្សខ្លះស្មូរកំណាញ់ អាក្រក់គួរខ្នាញ់មើលងាយអ្នកផង អាងខ្លួនមានទ្រព្យឫកធំកន្លង ក្អេងក្អាងបំណងចង់ឲ្យគេកោត។
-ភ្លេចគិតសីលទានបំពានហួសហេតុ អប្រិយដូចប្រែត ទោសះលន់លោភ គ្មានក្តីមេត្តាប្រាថ្នាក្រសោប មានលុយវាល់កោដិក៏មិនស្កប់ដែរ។
-ធម្មជាតិត្រកាលមេឃពណ៌ខៀវខ្ចី នាពេលរាត្រីរស្មីដួងខែ សុរិយាយាងយាស វេនច័ន្ទបំពេរ មនុស្សសត្ចផងដែរឲ្យលក់ស្កប់ស្កល់។

The Mother

កំណាព្យ = ម៉ែ .......

-ពាក្យម៉ែមួយម៉ាត់ ទោះកូនហៅ រាប់លានដង ពៅមិនធុញទេ មានភ័យអាសន្នស្រែករកម៉ែ ទោះរយឆ្នាំខែក៏ពេញចិត្ត។
-កូនស្រឡាញ់ម៉ែលើសអ្វីៗ នឹកហ័ត្ថម៉ែបីថ្នាក់ថ្នមស្នឹទ្ធ ម៉ែជាបេះដូងត្រួយជីវិត ពេលម៉ែឱបរិតកូនកក់ក្តៅ។
-សសុតសសៀជិតទ្រូងម៉ែ ស្តាប់សៀងបំពេរឲ្យកូនពៅ អ្នកគេងឲ្យស្កប់ណាឆោមឆ្លៅ រូបម៉ែនិត្យនៅក្បែរនេះទេ។
-បានគេងប្របៀតជិតអ្នកម្តាយ អារម្មណ៍រីករាយសុខកើនទ្វេ អរគុណម៉ែណាស់ចិញ្ចឹមថែ បើសិនគ្មានម៉ែ គ្មានក្តីសុខ។
-ទោះកូនខុសឆ្គងដូចម្តេចក្តី ម៉ែតែងប្រណីលើកលែងទោស ព្រហ្មវិហារធម៌ដូចមេឃខ្ពស់ ម៉ែជាព្រះរស់ក្នុងចិត្តកូន។
-ពេលកូនឈឺថ្កាត់ក្តៅរងា ថ្នាក់ថ្នមបុត្តភ្ងាទោះយប់យន់ ទ្រាំអត់ងងុយកាយទុរុន ដួងចិត្តស្រពោនដោយព្រួយភ័យ។
-មេត្តានៃម៉ែចំពោះបុត្ត ធំធេងបំផុតជាងប្រថពី បើសិនគណនាមេឃសែនទ្វី ធំជាងគីរីរាប់មុឺនដង។
-មមៃនឹកគិតគ្រប់ដង្ហើម ដល់កូនថ្លៃថ្លើម សុខទុក្ខផង បន់ព្រះទេវតា កូនបានឆ្លង ឧបស័គ្គទាំងពួងកុំឡើយយល់។
-ម៉ែហ៊ានលះបង់ទាំងជីវី ព្រមគ្រប់នាទីរងអំពល់ ឲ្យតែកូនសុខ ក្នុងមង្គល ម្លប់ម៉ែថែផ្តល់ជានិរន្នន៍។
-ឥឡូវម៉ែចាស់កាយជរា ឈឺពុំដែលជា គ្មានស្រាកស្រាន ដូចជារស្មីហៀបនឹងឈាន អស្តង្គតច្រានចូលអន្ធកា។

Khmer Poem

Khmer Poem

អរុណសួស្តីមិត្តទាំងអស់ រីករាយសោមនស្សទិវាថ្មី ចែកស្នាមញញឹមដ៏មានន័យ និងគំនិតឆ្នៃប្រឌិតជោគ។
សន្តី មេត្តា កុំបីភ្លេច មធុរសពាក្យពេចន៍ មិត្តរួមលោក ប្រកាន់ធម្មាឈប់បំពោក កិរិយាស្មោគគ្រោគលះឲ្យឆ្ងាយ។
រស់ជាមនុស្សលើផែនភព គួរខំស្កាត់ទប់ផ្លូវអបាយ សេពគប់មិត្តល្អចាកអន្តរាយ វិជ្ជាពណ្ណរាយកើនបញ្ញា។
កុំឆាប់ជឿលង់ពាក្យផ្អែមល្ហែម ត្រូវឈ្វេងយល់ថែមដោយពិចារណ៍ រៀនរស់ រៀនរក តាមមាគ៌ា សុចរិតសោតណា ទើបជួបសុខ។

Sport doesn't care who you are

Paralympics - London 2012 - Sport doesn't care who you are

By Sumsung

Disadvantages of selfishness

កំណាព្យ= គុណវិប័ត្តនៃអស្មិមានះ

-អស្មិមានះនៃមនុស្សខ្មែរខ្លះ ចចើងធ្វើចេះអួតក្អេងក្អាង ដូចជាកង្កែបនៅក្នុងពាង មិនដឹងមេឃ រាងធំដូចម្តេច។
-អស្មិមានះក្នុងសន្តាន លោភះជាស្ពានឈានកលកិច្ច កើនទោសវង្វេងផុងក្នុងល្បិច ជាន់ឈ្លីពន្លិចរាស្រ្តស្លូតត្រង់។
-អស្មិមានះជាដើមហេតុ ពិចារណ៍សង្កេតត្រូវបាត់បង់ ឧត្តមគតិជាតិឃ្លាតប្រាណប្រុង មនសិការជង់ក្នុងធ្នាក់ខ្មាំង។
-អស្មិមានះ ជះអាងយ៉ាង អំណាចអញអាងកុំតតាំង បើឯងធ្វើចាញ់អញសម្រាំង ជាភឿនកម្លាំង ខ្លាំងបក្សយើង។
-ឱ ម្នាលជគត់ ក្បត់មាតុភូមិ ស្តាយកេរ្ត៍ស្តុកស្តម្ភត្រូវរលើង សម្បត្តិធនធានរានកាយប៉ើង ទៅតាមទំនើងនៃលោភះ។
-រាស្រ្តរស់ទុរគតសែនវឹកវរ បង្ក្រាបបន្តរ ឃោរឃៅជាក់ សង្វេកក្នុងចិត្ត គ្មានពំនាក់ រស់សែនអួលអាក់ឈឺផ្សាក្តៅ។
-ឱ អស្មិមានះ ដ៏កោងកាច បញ្ឈប់អំណាច ល្បិចឈាមខ្មៅ អាសូររាស្រ្តឃ្លាន ក្រផុងជ្រៅ គ្មានសេរី នៅ សម្រាប់រស់។
-សូមព្រលឹងបុព្វបុរសខ្មែរ ជួយមកបំបែរជនក្បត់នោះ សង្ហរណ៍ឲ្យយល់ធម៌សង្គ្រោះ សាមគ្គីនាំយស ផុតមហន្តរាយ។
-កុំឲ្យពូជខ្មែរបង់នាមា ព្រោះលោភស័ក្តា មកកំចាយ ស្រោចស្រង់ប្រទេសកុំធ្វេសកាយ ប្រើមោក្ខុបាយជាតិនិយម។
-សាមគ្គីៗជាកម្លាំង ទើបខ្មែរឈ្នះខ្មាំងមហិច្ឆិតាធំ បើយើងមិនរួមគិតប្រមុំ នោះអាសន្នធំបាត់ទឹកដី។

កំណាព្យ =មហាបុរសខ្មែរ

-ព្រះជ័យវរ្ម័ន្នទី៧

និងព្រះរាជនីដ៏សោភា ទ្រង់ល្បីល្បាញឆ្នើមល្អនាមា ជួយរាស្រ្តប្រជាដោយករុណា។
-រជ្ជកាលនៃទ្រង់ល្បីល្បាញណាស់ ធ្វើចម្បាំងឈ្នះលើបច្ចា ស្ថាបត្យកម្មមហិមា

មានបទចម្រៀងមួយណាធ្វើអោយបងនឹកអូន- Sokun Kanha

[ RHM VCD VOL 131 ] Mean Bot Jomreang Mouy Na Tver Oy Bong Nirk Oun - Sokun Kanha

​

បទ: មានបទចម្រៀងមួយណាធ្វើអោយបងនឹកអូន ច្រៀងដោយ សុគន្ធកញ្ញា

ចិត្តបងសព្វថ្ងៃ- Samuth + Sothea

បទ ចិត្តបងសព្វថ្ងៃ ច្រៀងដោយ ស៊ីន ស៊ីសាមុត និង រស់ សេរីសុទ្ធា

រស់ស្នេហ៍ឧត្តម- Samuth + Sothea

រសស្នេហ៍ឧត្ដម - ឬ ដើមត្រែងយោល ច្រៀងដោយ លោក ស៊ិន ស៊ីសាមុត​​ + អ្នកស្រី រស់ សេរីសុទ្ធា (និពន្ធដោយលោកៈ គង្គ ប៊ុនឈឿន)

រឿងពិតរបស់អូន- Samuth & Sothea

រឿងពិតរបស់អូន

បទភ្លេង និងទំនុក ដោយ ស៊ីន ស៊ីសាមុត

ច្រៀងដោយ រស់ សេរីសុទ្ធា និង ស៊ីន ស៊ីសាមុត

ដឹកនាំភ្លេង ដោយ មែរ ប៊ុន

This song has lyric

ព្រាត់ទាំងស្រលាញ់ - ស៊ីន​ ស៊ីសាមុត

ព្រាត់ទាំងស្រលាញ់

ចម្រៀង "ព្រាត់ទាំងស្រលាញ់" ច្រៀងដោយលោក ស៊ីន ស៊ីសាមុត

ដើម្បី ទាញយកបទចម្រៀងសូមចុចពាក្យ "Download" ខាងក្រោម

Download

Song Seng Horn - 10 year wait love

សុង សេងហ៊ន- ១០ឆ្នាំចាំស្នេហ៍

ចម្រៀង "១០ចាំផ្លូវ" ច្រៀងដោយអ្នកស្រី សុង សេងហ៊ន

Download Mp3

Night without moon!

Night without moon

កំណាព្យ = រនោចគ្មានខែ

-ខែមួយចំណិតឥតរស្មី ដូចជីវិតស្រីជួបអន្ធការ លួងចិត្តខ្លួនឯងកុំទុក្ខា ធ្វើម្តេចវាសនាជួបអភ័ព្វ។
-មើលហ្វូងប្រវឹកគង់រីករាយ ឆាបឆ្វែលមិនណាយមើលត្រីខ្នាប់ ដួងខែរនោចហាក់ស្ងៀមស្ងាត់ រត្តិចរចាត់ ស្ងាត់សូន្យឈឹង។
-ក្បូនអើយៗក្បូនកាត់នទី ព្យុះគួចវក់វី ក្បូនគ្មានពឹង អណ្តែតត្រសែតបាត់លំនឹង ក្បូនប្រឹងសម្លឹងត្រើយកោះឆ្ងាយ។
-រាត្រីរនោចខ្លោចផ្សាចិត្ត អន្និច្ចាជីវិតកម្មតាមកាយ បញ្ញត្តសន្និវាសគ្រហឹមខ្ចាយ រែកពុនសម្ពាយឆ្ងាយក្តីគាប់។
-ឱ ភវាភព ម្តេចកម្រិត? ឲ្យមានជីវិត ពិតធុញថប់ ខំសាងកុសលក្រែងផ្តល់ភ័ព្វ តែប្រែអួអាប់ឥតរស្មី។
-ដួងខែរនោចគង់មានខ្នើត ខ្ញុំតាំងពីកើត ទល់តរុណី មិនដែលយល់ឡើយពេលរីករាយ ទោះពេចន៍លានស្តីក៏មិនអស់។
-ចង់ប្តឹងនឹងព្រហ្ម ម្តេចកម្រឹត? ទ្រង់ផ្តល់ជីវិតដែលក្រៀមក្រោះ ដូចជាធរណីគ្មានភ្លៀងសោះ ដូចផ្កាស្វិតខ្សោះអស់គន្ធា។
-វិនាសអស់ហើយក្តីសង្ឃឹម... ទាំងស្នាមញញឹម ធ្លាប់ស្រស់ថ្លា ទោះដួងខែខ្នើត ក៏អន្ធការ ពពកត្រៀបត្រាបាំងពន្លឺ។
-ដូចទឹកដែលហូរក្នុងសវន្តី មិនត្រឡប់វៃ បានត្រឹមឮ សម្លេងលួងលោមឲ្យស្បើយឬ? ស្អប់ជីវិត ឌឺ និរាសគាប់ .......!

រត្តិចរ =រាត្រីកាល
ភវាភព =ភពដែលកើតចាស់ឈឺស្លាប់

A hundred time of missing

កំណាព្យ =រយចាំមិនភ្លេច .....:

-ទូកនៅកំពង់រង់ចាំម្ចាស់ ម្តេចក៏អ្នកផ្លាស់ផ្តាច់និស្ស័យ ស្រពោនក្នុងចិត្តឥតឧបម័យ ម្តេចគ្មានអាល័យភ្លេចសន្យា។
-វត្តសសរ១០០ ជាសាក្សី ព្រះពុទ្ធសក្ខីក្តីស្នេហា សម្បថឥតន័យអស់ខ្លឹមសារ ភ្លេចអនុស្សាហ៍ សាងរួមគ្នា។
-ស្រណោះទូកតូច អុំកាត់បឹង បងនិងព្រលឹង យើងសន្ទនា រយលានពាក្យពេចន៍ ផ្អែមម្ល៉េះណា រាល់ពេលសន្ធយា សែនត្រជាក់។
-បងភ្លេចស្នាមក្តិច ភ្លេចលែងចាំ ស្នេហ៍ប្រែប្រេះស្រាំ ឈានបែកបាក់ រនោចគ្មានខែ ថែចិត្តស្ម័គ្រ អូនយំសស្រាក់ព្រោះឈឺចិត្ត។
-ស្នេហ៍ដូចជាផ្សែង ត្រសែតចោល ស្នេហ៍ដូចស្រមោល ឆ្ងាយលែងជិត និរាសក្តីស្មោះ សល់ក្បត់ផិត ព្រានចិត្តឧក្រិដ្ឋគ្មានមេត្តា។
-ធ្វើម្តេចអូនក្រគ្មានទ្រព្យធន មិនអាចផ្គាប់ផ្គុនប្រុសជីវ៉ា មានបេះដូងស្មោះ ជូនរៀមរ៉ា មិនឈ្នះដុល្លា បងលាស្រី។
-នឹកពេលណាត់ជួប ភ្លៀងធ្លាក់ខ្លាំង ចាំលុះភ្លៀងរាំង មិនឃើញថ្លៃ ចាំ ចិត្តរកាំ ចាំគ្មានន័យ កំពង់ទូកស្រី ស្មាលាហើយ។
-លា លែងជួបស្នេហ៍ ប្រុសមិនស្មោះ សូមអ្នកទៅចុះ ឈប់ឆ្លងឆ្លើយ ធ្នាក់ព្រានអប្រិយស្រីលាហើយ គុកកម្មឥតស្បើយស្នេហ៍អភ័ព្វ។
-ទឹកភ្នែកអូនហូរ លានតំណក់ ទឹកភ្នែកដែលស្រក់ តាងឈឺចាប់ ព្រះនាងកង្រីសុខចិត្តស្លាប់ តឹកតាងស្នេហ៍ភ្ជាប់គាប់ភក្តី។
-តែអូនមិនស្លាប់ព្រោះស្នេហ៍ក្បត់ លេបក្តីជូរចត់ ស្នេហ៍គ្មានន័យ អូនតស៊ូរស់ព្រោះម្តាយថ្លៃ ស្នេហ័ក្បត់ភក្តីស្រីលាហើយ។

Cambodia's rainy season

Rainy Season in Cambodia

កំណាព្យ = វស្សានរដូវ

-ភិរុណបង្អុរទឹកព្រៀបស្រែ កសិករខ្មែរសាប ដក ស្ទូង ប្រវាសដៃគ្នា មិនបង្អង់ ភ្ជួររាស់ គន្លង អ្នកស្ទូងដាំ។
-សន្ទូងរត់ជួរពណ៌បៃតង អ្នកភូមិត្រសង តាមចំណាំ ការងាររួចរាល់យើងសស្រាំ សំរាកដណ្តាំ រៀបម្ហូបម្ហា។
-ខ្ទមស្រែទ្រុឌទ្រោមក៏រីករាយ ស្វាគមន៍មិនណាយ អ្នកគ្រប់គ្នា អែអុកជួបជុំបរិភោក្តា ម្ហូបច្រើនត្រៀបត្រាមិនមានខ្វះ។
-សន្ទូងរេរាំតាមវាយោ នៅក្រោមមេឃពណ៌ខៀវត្រចះ ដួងព្រះទិនករភ្លឺស្រឡះ ហ្វូងសត្វដេដាសហើរពេញមេឃ។
-លលក សារិកា ហើរច្រវាត់ មានច្រើនពេកក្តាត់គន់គាប់ភ្នែក លម្ហាចទឹកស្រែ ទាក់ហ្វូងក្អែក កុក ក្រៀល រារែក មិនហ៊ានចុះ។
-វាលស្រែបៃតងលាតសន្ធឹង កសិកររំពឹង រែងសោមនស្ស សង្ឃឹមភោគផលបានយ៉ាងខ្ពស់ បន្តរជន្នរស់ ដោយមោទនះ។
-លម្ហែ មើលស្រែ បង្ហូរទឹក សន្សើមពេលព្រឹក សែនត្រជាក់ មើលទ្រូនិងលបដាក់ជាធ្នាក់ ប្រឡាយទឹករាក់បានត្រីខ្នាប់។
-មានផ្ទក់ អណ្តែងនិងត្រីក្រាញ់ ស្លរម្ជូរយ៉ាងឆ្ងាញ់ ត្រីអាំងស្រាប់ ផ្ទាប់ម្ជូរក្រសាំងឬស្វាយសាប់ បាយក្តៅលូកញាប់ នេះម្ហូបស្រែ។
-មានទំពាំងជ្រក់ភ្លក់មិនណាយ ប្រហុកកប់កាយចុចញាប់ស្មេរ ត្រប់ដុត ពពាយ ននោងដែរ នេះសុទ្ធបន្លែ អ្នកភូមិខ្ញុំ។
-សាសង សសៀរ សន្ធនាប្រាប់ ម្ហូបខ្មែរ ឆ្ងាញ់គាប់ ចិត្តសុខដុម ប្រហើរ កកូរ ដាក់ស្លឹកម្រុម មិននៅច្រិមច្រុមឆីទា

Remember when (នឹកឃើញគ្រាមួយ)

Remember When

កំណាព្យ = នឹកឃើញគ្រាមួយ ....

-របោមចោមរោមនៅព្រៃល្បោះ សន្ធឹកទឹកជ្រោះរត់ប្រណាំង ភិរុណបង្អុរមកយ៉ាងខ្លាំង អង្គការចាត់តាំងចូលព្រៃស្តុក។
-ឲ្យរកទំពាំងឬស្សីព្រៃ កង្វាវនៅដៃធ្ងន់កណ្តុក ខំកាវទំពាំងទាំងចិត្តស្មុគ ឮសូរធ្លាក់ខ្ពុកត្រេកអរពេក។
-រើសដាក់ក្នុងល្អីមិនបង្អង់ មិត្តប្អូនមិត្តបងផ្អាកជជែក ខ្លះទូល ខ្លះលី ខ្លះទៀតរែក រួសរាន់បំបែកគ្នាធ្វើការ។
-ដើរឆ្លងទឹកអូរហូររិញៗ ក្រពះទន្ទេញឃ្លានអាហារ ណាមួយរមាស់ក្រហាយផ្សា ទំពាំងនោះណារោលរាលស្បែក។
-ណាទាកវាទាមបឺតឈាមជាប់ ល្ហិតល្ហៃស្ទើរស្លាប់ចង់តែស្រែក កាយស្គមកំព្រឹងគួរសង្វេក ទោះយំប្រាប់មេឃៗមិនជួយ។
-ការងាររួចរាល់ថ្ងៃចង់លិច ភ្លៀងធ្លាក់ស្រិចៗរឭកភួយ មានតែរទេះគោគ្រាន់ជួយ ស្ទុះស្ទាលើកស្ទួយដឹកភោគផល។
-មេឃងងឹតឈ្លប់នៅក្នុងព្រៃ អារម្មណ៍ព្រួយភ័យជ្រួលច្របល់ រាត្រីចរអើយម្តេចមិនខ្វល់ អាណិតគិតដល់អ្នកសង្រេង។
-អ្នកមុខខំតោងរទេះជាប់ ឯអ្នកបន្ទាប់កាន់មិនលែង តោងដៃគ្នាដើរខ្លាចវង្វេង រន្ធត់សម្លេងមៀម ទីទុយ។
-ណាផ្លូវរអិល ណាងងឹត ខំលួងលោមចិត្តត្រូវតែស្លុយ បំណាច់នឹងស្លាប់ឆាប់ប្រថុយ ដើរឆ្លង ដើរលុយ ទឹកភ្លៀងហូរ។
-នេះហើយជីវិតក្នុងរបបក្បត់ អ្វីៗជូរចត់មិនហ៊ានថ្ងូរ បបរមួយវែក ក្រពះរោទ៍ រស់ទាំងត្រដរកំដរពេល។

My Dream

កំណាព្យ = សុបិនមួយ ..:::::

-បើសិនមានផ្ទះលើមាត់អូរ ស្តាប់សូរទឹកហូរសែនពិរោះ ខ្យល់ផាត់ត្រជាក់រែងសោមនស្ស ផ្ការាំង អួតឈ្មោះថាភក្តី។
-ផ្កាចារ រីកស្គាយពណ៌ក្រហម លួងលោមប្រលោមដល់ហឫទ័យ ក្រអូបគន្ធរសរំដួលព្រៃ គួចនឹកមមៃវ័យកុមារ។
-សម្លេងទឺកហូរកាត់ផ្ទាំងថ្ម ឮសូរឈូរឆ លាយវាតា យើងងូតទឹកលេងប្រឡែងគ្នា កញ្ជ្រោកទឹកថ្លាសប្បាយក្រៃ។
-ឯសត្វបក្សីខំអួតខ្លួន យោលស្លឹកអង្រួនលាន់ច្រៀវច្រៃ ប្រឡូកប្រឡែងឥតព្រួយភ័យ នៅក្នុងព្រឹកព្រៃឋានរមនា។
-បដិសណ្ឋារះភ្ញៀវទេសចរ សន្តិបវរហួសពណ៌នា ម្លប់ឈើត្រឈៃញ៉ាំងចិន្តា រីករាយឧវមាគ្មានអ្វីប្រៀប។ -ផ្តេកកាយណាយខ្វល់ សុខដុមពេក គន់មើលពណ៌មេឃរចនារៀប ពពកដេដាស់មានខ្ពស់ទាប សាងជាក្បួនកាព្យដល់កវី។
-បើសាកុណិកមិនមកក្បែរ សែនសុខម្ល៉េះទេដែនព្រឹក្សព្រៃ ម្រឹគីម្រឹគានិងបក្សី ស្វែងរកចំណីឥតកង្វល់។
-សំណាត់ស្លឹកឈើជ្រុះរាយប៉ាយ លាយឡំផ្កាព្រៃហូរមកដល់ យើងមុជទឹកលេងជ័យមង្គល ព្រោះផ្កាបានផ្តល់ក្លិនក្រអូប។
-ស្នាមញញឹមស្រស់លាយក្លិនផ្កា ពាសពេញកាយាមិនណាយស្រូប មហៃសូរស្នេហ៍ក៏មិនដូច ប្រាថ្នាចិត្តគួចដូចបំណង។
-ពេលបើកភ្នែកឡើងទើបដឹងច្បាស់ ខកចិត្តស្រឡះមិនដូចប៉ង គ្រាន់ជាសុបិនឆ្ងាយកន្លង តែសូមបន់ផ្សងឲ្យបានពិត។

Life without support

កំណាព្យ =អាសូរជីវិតឥតបង្គង

-ភ្លៀងអើយរាំងទៅខ្ញុំរងា ញ័រទាំងកាយាថ្គាមរណ្តំ ទទឹកខ្លួនជោគ វិយោគធំ រស់ខ្វះទ្រនុំវេទនាភ្នែក។
-វេហ៌ាមានហ្វូងបក្សាសត្វ ហិចហើរច្រវាត់ពេញផែនមេឃ ប្រសើរជាងខ្ញុំរស់សង្វេក ខំពួនយំយែកពីរនាក់ប្អូន។
-នេះហើយជីវិតគ្មានមេបា ក្រពះឃ្លានផ្សាក្រៀមស្រពោន រសាត់អណ្តែតដូចជាក្បូន កម្មកាចច្រានលូនកាត់ព្យោមា។
-ឱ ព្រហ្មលិខិតកំណាចម្ល៉េះ ឲ្យខ្ញុំជំនះ នឹងសង្ឃរា ផ្តល់ជីវិតហើយ ម្តេចកំព្រា តតាំងវេរាផ្តន្ទាជាប់។
-អាសូរប្អូនតូចយំរកម្តាយ បងលួងឆោមឆាយ ថ្នមថ្នាក់ឱប ធ្វើម្តេចជីវិតឃ្លាតក្តីគាប់ រស់នៅឥតភ័ព្វ រែងវេទនា។
-វេនអើយ ពេលអើយ លឿនលយទៅ យប់អើយយប់នៅ ម្តេចយូរយា ចង់ឲ្យមច្ចុមកឆាប់រ៉ា មកផ្តាច់សង្ខាឥឡូវភ្លាម។
-ដើររើសសំណល់ម្ហូបអាហារ បញ្ចុកប្អូនភ្ងា យំរហាម អត្តខាត់ អាហារ ចិត្តក្រំក្រៀម ដង្កាប់គម្រាម គ្រប់វេលា។
-សង្ឃឹមនៅឆ្ងាយដូចមេឃខ្ពស់ ឬក៏ស៊ូរស់ក្នុងអន្ធកា រហទដ្ឋាននិត្យអាត្មា គ្មានវរលាណាបានធូរស្បើយ។
-ឱ រស្មីជោគនៃវាសនា សូមកម្រិតចារឲ្យដល់ត្រើយ សូរសែងនៃព្រះសុរិយាអើយ ឮ ខ្ញុំដង្ហើយរកអ្នកទេ?
-អ្នកមានមហិទ្ធិរិទ្ធសូមមកជួយ យិតយោងផុតព្រួយឲ្យល្ហើយល្ហែ សូមសុខេធិតនិត្យមកក្បែរ មកជួយបំបែរទុក្ខឲ្យឆ្ងាយ។

The red flower (ផ្កាពណ៌ក្រហម)

កំំណាព្យ = ផ្កាពណ៌ក្រហម

-ផ្កាពណ៌ក្រហមលួងលោមទ័យា
ឲ្យស្បើយទុក្ខារយពាន់អំពល់
គន់មើលគាប់នេត្រសុខដុមពេកសល់
ជីវិតមង្គលប្រសើរលើសលែង។
-បុប្ផាក្រហមត្រូវការសន្សើម
ព្រោះជាដង្ហើម រីករាយខែងរ៉ែង
សាយគន្ធពិដោរឈ្ងប់ឆ្ងាយកន្លែង
សួនផ្កាតាក់តែងលំអរគយគន់។

អរុណសួស្តី

-ស្វាគមន៍ប្រិយមិត្តពីសួនផ្កា នាដែនព្រឹក្សាពណ៌បៃតង រីករាយថ្ងៃថ្មីឥតមានហ្មង សូមមិត្តគ្រប់អង្គជួបតែសុខ។
បុប្ផាច្រើនណាស់មានគ្រប់ពណ៌ លឿង ក្រហម ស រីកគ្រប់មុខ សួនផ្កាល្អស្អាតសែនផាសុខ អារម្មណ៍ផុតទុក្ខ រិតក្សេមក្សាន្ត។
-សូរស័ព្វចាបច្រៀងឆ្លើយឆ្លងគ្នា ហាក់បទសន្ទនាមិត្តកល្យាណ វេញជាចំណងស្រាយមិនបាន ជីវិតសុខសាន្តនិងធម្មជាតិ។

Symbols of Cambodia (និម្មិតសញ្ញានៃប្រទេសកម្ពុជា)

និម្មិតសញ្ញានៃប្រទេសកម្ពុជា

-គោព្រៃ ច្រើនរស់នៅព្រៃស្តុក ស៊ីស្មៅគ្រប់មុខជាអាហារ ស្លឹកឈើ ខ្ចីៗ ក្នុងព្រឹក្សា គីរីបព្វតាទីអាស្រ័យ។
-ឯសត្វត្រយងតែងហិចហើរ ទុំលើមែកឈើ ផុតពីដី ស៊ីផ្លែឈើទុំឬមួយខ្ចី ជាពូជបក្សីនៃខេមរា។
-ឯអណ្តើកហ្លួងរស់រយឆ្នាំ រស់ជាប្រចាំក្នុងគង្គា គួរយើងមមៃថែរក្សា កុំបំផ្លាញគ្នាតាមចំណង់។
-រីដើមត្នោតវិញប្រយោជន៍ច្រើន នាំផលចម្រើនល្អផូរផង់ ទឹកដមកៀបស្ករ ត្រងបំពង់ ផ្លែខ្ចី ឆ្ងាញ់ខ្ញង់ជាបង្អែម។
-ផ្លែទុំធ្វើនំអាកោត្នោត ក្មេងយំបញ្ឆោត អាកោផ្អែម លៃលកខំដាំ ច្រើនបន្ថែម បានភោគផលថែមបើឧស្សាហ៍។
-រំដួលបុប្ផាដុះក្នុងព្រៃ គួរគួចភិសម័យថ្នមស្នេហា ក្រអូបក្រអែបសាយគន្ធា តំណាងបុប្ផា កុលស្រ្តី។
-គល់រាំងពូជត្រីដ៏កម្រ គួរចិត្តស្មោះសរគិតឃ្មាតខ្មី កុំឲ្យដាច់ពូជបាត់សូន្យអី ថែទាំលកលៃក្រែងក្មេងស្គាល់។
-ឯចេកពងមាន់ សោភ័ណគាប់ បើធ្វើដំណាប់ញ៉ាំមិនសល់ នំក្រម៉ៅថតអំបុកផ្ទាល់ ខាំក្រុបនឹកដល់កូននៅផ្ទះ។
-គួរឈប់បំផ្លាញព្រៃព្រឹក្សា គ្រាន់សត្វផងគ្នាជ្រកនៅខ្លះ នេសាទខុសច្បាប់ អន្តរាយណាស់ ឯត្នោតដេរដាសឥឡូវស្បើយ។
-ធនធាន លើដី និងក្រោមដី ពិចារណាជាថ្មីអ្នកធំអើយ អភិវឌ្ឍន៍ ៗ អស់រលីងហើយ កូនចៅខ្មែរក្រោយតើបានអី?

Happy Cottag (ខ្ទមស្រែសុភមង្គល)

កំណាព្យ = ខ្ទមស្រែសុភមង្គល

-សាយ័ន្តសោភាខ្យល់ត្រជាក់ ភ្លៀងរលឹមធ្លាក់លោមទ័យា ទោះបីខ្ទមតូចតែសុខា មានស្រែ ទឹកថ្លាព័ទ្ធជុំវិញ។
-សំណាបបៃតងយោលរេរាំ ផ្គលាន់គ្រាំៗ ដូចទន្ទេញ ផ្លេកបន្ទោរឆ្វាច ហាក់ទោម្នេញ ព្រះពាយផាត់ចេញពពកខ្មៅ។
-បក្សីបក្សារកទ្រនុំ ហើរជាហ្វូងធំឆ្ពោះសំដៅ រកទីរមនាអាស្រ័យនៅ សំបុកកក់ក្តៅ ជុំគ្រួសារ។
-ដូចជាខ្ទមតូចរបស់ខ្ញុំ ផ្តល់ក្តីសុខដុមក្សាន្តឱរា រសៀលជ្រៀលជ្រេព្រះសុរិយា យាងចូលក្រឡាព្រះបន្ទុំ។
-ទេសភាពស្ងប់ស្ងាត់ មិនអផ្សុក បន្លែស្លរស្លុក ននោងស្អំ ត្រឡាច ត្រសក់ មានតូចធំ ខ្ញុំជ្រួយពូនដាំមិនឲ្យខ្វះ។
-មានជីរ ស្លឹកគ្រៃ រមាតខ្ជាយ ផ្លែដូងទាំងធ្លាយនៅក្បែរផ្ទះ មានដាំផ្កាម្លិះក្រអូបណាស់ ព្រឹកព្រាងស្រឡះសាយគន្ធា។
-នៅពេលទំនេរជញ្ជាត់ត្រី គ្រាន់នឹងលកលៃជាម្ហូបម្ហា បានក្តាមបានខ្យងស្លរលាយគ្នា ម្ជូរល្ហុង ត្រីចង្វា ឈ្ងុយប្រហុក។
-ពេលយប់ខែខ្នើតមើលដួងខែ ហាក់មន្តបំពេរផ្តល់ក្តីសុខ ខ្យល់បក់រំភើយ អារម្មណ៍ស្មុគ រសាត់ត្រសុក តាមវាតា។
-ខ្ទមតូចមែនពិតចិត្តសែនស្នេហ៍ ចិត្តមិនប្រួលប្រែកែសាវា ចង់រស់ផ្ញើរកាយលុះមរណា ឱ ខ្ទមជរា មេត្តាខ្ញុំ។

What does love do?

Love , ......

-ស្នេហា ប្រាថ្នា ភក្តីស្មោះ ស្នេហា ប្រាថ្នា ភាពសោមនស្ស ស្នេហា ប្រាថា្ន គូររួមរស់ ស្នេហា សន្តោស ដោយខន្តី។
-ស្នេហា ប្រាថ្នា រស់មានន័យ ស្នេហា ប្រាថ្នា ជួបលុះក្ស័យ ស្នេហា ប្រាថ្នា ចិត្តប្រណី ស្នេហា ពីរបី មិនឲ្យយល់។
-ស្នេហា ផុសចេញ ពេញសុខសល់ ស្នេហា បរិបូរ ដោយមង្គល ស្នេហា ប្រៀបដូច មេឃនិងខ្យល់ ស្នេហា រួមផ្តល់ ស្នាមញញឹម។
-ស្នេហា រស្មី ក្តីសង្ឃឹម ស្នេហា វាសរះ ស្រស់ប៉ប្រឹម ស្នេហា ខ្លាំងក្លា មិនអាចផ្ទឹម ស្នេហា ជានឹម នៃជីវិត។
-ស្នេហា វាសនា ចារគូរពិត ស្នេហា រក្សា ភាពស្នាលស្នឹទ្ធ ស្នេហា គន្ធរស ផ្អែមស្អំស្អិត ស្នេហា ក្បត់ចិត្ត មិនមានឡើយ។
-ស្នេហា ជាក្បូន ជូនដល់ត្រើយ ស្នេហា មេត្រី ជាគូរហើយ ស្នេហា វេញជាប់ មិនឃ្លាតឡើយ ស្នេហា គូរអើយ លុះមរណា។

វាសរះ= អរុណោទ័យ វេលាព្រះអាទិត្យរះ

The teacher's love toward students

កំណាព្យ =ទឹកចិត្តគ្រូបង្រៀន

-ទោះប្រាក់ខែតិចចាយមិនគ្រាន់ ក៏គ្រូរួសរាន់គិតដល់សិស្ស ចង់ឲ្យអ្នកល្អ ថ្កើងចំណេះ ជួយមាតុប្រទេស ពេលអ្នកធំ។
-បង្ហាត់បង្រៀនផ្តល់គំនិត ទូន្មានមធ្យ័ត ពាក្យអប់រំ សីលធម៌រស់នៅ ផ្លូវឧត្តម ចរិយាពូនជ្រុំរស់ថ្លៃថ្នូរ។
-តួលេខ អក្ខរាចារប្រាយប្រាប់ សាស្រ្តាក្បួនច្បាប់ដ៏បវរ ប្រាស្រ័យរាក់ទាក់ដោយស្មោះសរ បណ្តុះគំនរនៃវិជ្ជា។
-តក់ៗគង់នឹងពេញបំពង់ យូរៗគង់ត្រងបានផ្លែផ្កា អនាគតផូរផង់ណាសិស្សណា ចូរខំសិក្សាទាន់នៅក្មេង។
-កុំឲ្យវេលាកន្លងហួស ខំក្រេបជញ្ជក់ចេះទើបខែង វិស័យពេជ្រឆ្នៃភ្លឺលើសលែង បើរេបែកឆ្វេងមុខយ៉ាប់ហើយ។
-វិជ្ជាជាស្ពានដ៏ត្រចង់ ម្នីម្នាប្រែងប្រុងកុំកន្តើយ សម្បតិ្តដំរេះក្នុងខ្លួនហើយ គ្មានចោរណាឡើយនឹងលួចបាន។
-ហៃសិស្សប្រុសស្រី ចូរអ្នកស្តាប់ សម្បធានខ្ជាប់គឺខំរៀន ជោគជ័យអាស្រ័យខំព្យាយាម ចំណេះរបៀនកុំបីធ្វេស។
-ឧត្តុងឧត្តមប្រសើរក្រៃ ប្រៀបដូចរស្មីសុរិយារះ ចាំងចែងពន្លឺភ្លឺត្រចះ លើនភាច្បាស់ដល់សត្វលោក។
-ទឹកចិត្តនៃគ្រូ តែងមេត្តា សិស្សគ្រប់អង្គា ជាម្លប់ជ្រក ខំត្រងត្រាប់ស្តាប់ គ្រប់ពាក្យលោក ស្វាធ្យាយ រាន់រក អនាគតល្អ។

Waiting love at water well

កំណាព្យ =អណ្តូងទឹកចាំស្នេហ៍

-អណ្តូងចាំស្នេហ៍រយខែថ្ងៃ ចាំស្រស់ចរណៃនាងដងទឹក ចាំច្រើនរដូវសល់ចិត្តនឹក ហឫទ័យខ្សួលខ្សឹកភ្លឹកស្មារតី។
-ព្រលឹម ព្រលប់ ជាប្រចាំ ស្រស់កែវស្រងាំមករាល់ថ្ងៃ ដងទឹកងូតលេង ចិត្តរីករាយ ឥឡូវនាងណាយភ្លេចអស់ហើយ។
-អណ្តូងចាំស្នេហ៍ អនុស្សាហ៍ បងនិងពុំងាតែងឆ្លងឆ្លើយ រៀមខំយោងទឹកឲ្យត្រាណត្រើយ យើងសច្ចាហើយស្មោះនឹងគ្នា។
-ថ្ងៃមួយអូនលាទៅភ្នំពេញ អូននឹងវិលវិញទេជីវ៉ា ពេលនេះអូនឃ្លាតបងមួយគ្រា អូនទៅធ្វើការសន្សំប្រាក់។
-វស្សាឆ្នាំនេះអូនមកផ្ទះ បងអរខ្លាំងណាស់ហើយជឿជាក់ ខំស្កាត់ជួបអូន ដោយមោទនះ តែប្រែអួលអាក់នាងបែរខ្នង។
-អូនស្អាតហើយប្លែកមើលមិនស្គាល់ ចិន្តាបងខ្វល់ ឆ្ងល់កន្លង ម្តេចអូនបំភ្លេចស្នេហ៍ចងក្រង ភ្លេចពាក្យសាសងជាមួយគ្នា។
-ភ្លេចទាំងអណ្តូងទឹកធ្លាប់ងូត ភ្លេចពាក្យស្បែស្បថ មិនសាវា ភ្លេចស្នាមញញឹម ពេលសៀតផ្កា លំអរកេសា រាល់សាយ័ន្ត។
-សម្ពាយជីវិតចារឲ្យបែក ទោះខំយំយែក ទឹកភ្នែកជន់ ក៏មិនអាចឲ្យស្នេហ៍ដូចមុន ខ្លាចហើយទារុណស្នេហ៍អប្រិយ។
-រៀមស្រឡាំងកាំងភាំងក្នុងចិត្ត ស្នេហ៍ផ្លាស់តាមចិត្តឥតពាក្យស្តី ហេតុតែបងក្រគ្មានធនអ្វី ទើបអូនផ្លាស់ថ្មីភ្លេចដីស្រែ។
-សម្លេងឃ្មោះការធ្លាប់ស្រម័យ បាយខុនចងដៃយើងទាំងទ្វេ សល់តែស្រមោល មេឃគ្មានខែ នេះហើយក្តីស្នេហ៍ ព្រាត់ព្រោះទ្រព្យ។

The sorrow of man

កំណាព្យ = ព្រួយ ........

-មួយជាតិ ជាតិមួយ ព្រួយនិរាស ពាសពោរ ពោរពាស រាស្រ្តទួញយំ ល្បិចខ្មាំង ខ្មាំងល្បិច កិច្ចបង្ខំ ព្រំខិត ខិតព្រំ ពុំកោតក្រែង។
-វឹកវរ វរវឹក នឹកឡើងខឹង ពឹងគ្មាន គ្មានពឹង ប្រឹងសំញ៉ែង ពលឈ្លោះ ឈ្លោះពល ខ្វល់បែកផ្សែង ឯងគ្នា គ្នាឯង ស្តែងរិទ្ធខ្លាំង។
-ហ្មាយហ្មប ហ្មបហ្មាយ ស្តាយនាមា គេសាសន៍ សាសន៍គេ គ្នេរមិនច្បាំង អែបអប អបអែប បែបមិនខ្លាំង ភាំងភាន់ ភាន់ភាំង គាំងយ៉ាងនេះ?
- ខ្មែរអើយ អើយខ្មែរ បែរខុសមុន ធ្ងន់ទុក្ខ ទុក្ខធ្ងន់ ពុនស្ទើរប្រេះ ថ្ងៃណា ណាថ្ងៃ ប្រិយប្រឹមអេះ? ចេះធ្យាន ធ្យានចេះ ត្រិះសាមគ្គី។
-យើងស៊ូ ស៊ូយើង ថ្កើងឡើងវិញ ម្នេញម្នោ ម្នោម្នេញ ពេញមូលមីរ ជាតិគង់ គង់ជាតិ ឃ្មាតសំភី ទ្ធីឫ ឫទ្ធី ទីជោគជ័យ។
-ក្រោកឡើង ឡើងក្រោក ពួកយើងអើយ ហើយប្រឹង ប្រឹងហើយ ស្បើយទុក្ខភ័យ ស្វះស្វែង ស្វែងស្វះ អ្នកនាំថ្មី ល្បីប្រាជ្ញ ប្រាជ្ញល្បី នៃខេមរា។
-ចងចាំ ចាំចង ប៉ងពិនិត្យ ល្អិតល្អន់ ល្អន់ល្អិត គិតពិចារណ៍ រើសជ្រើស ជ្រើសរើស ទ្រើសនរណា ក្លាហាន ហានក្លា មារក្ស័យបង់។

iPhone 5

iPhone 5, The world thinnest and lightest smart phone

After waiting for a long time, iPhone 5, the world thinnest and lightest smart phone in the world has been announced on September 12,2012. iPhone 5 was completely redesigned to feature a new 4inch Retina display which deliver more pixels than iPhone 4S. It the most beautiful device that Apple has ever created. iPhone 5 supports ultrafast wireless standards including LTE and DC-HSDPA, so you can browse, download and stream content even faster. It use the latest iOS 6 of Apple.

To see the Specification

View iPhone 5 Specification

What is the world thinnest smart phone?

iPhone 5 (September 15, 2012)

Internet Download Manager V.6.11 build 17

IDM (Internet Download Manager)
How to download:

1. Click "Download" to download the this file។

Password: 'RUPPG12'

Download

2. Extract the file

Password:'RUPP University Friends 12 Generation'

Sugar Palm (ស្ករត្នោត)

កំណាព្យ= នឹកស្ករត្នោតពុក

-នឹកស្ករត្នោតពុកផ្អែមឈ្ងុយឆ្ងាញ់ ទឹកត្នោតចម្រាញ់ រម្ងាស់មក ចាក់ជាស្ករផែន ពណ៌ល្អះល្អ ម៉ែកូរវឹក ម៉ោជើងអង្រ្កង។

-កូនយកស្លឹកត្នោតកេវដាក់មាត់ ឈ្ងុយឆ្ងាញ់ពេកក្តាត់មិនស្កៀបផង រសៀលត្រជាក់ពុកឡើងត្រង បំពង់រយោងនៅចង្កេះ។

-ជួនម៉ែធ្វើទ្រាប ដាក់លាចថ្មី កូនអរពេកក្រៃ ឆ្ងាញ់អ្វីម្លេះ ទ្រាបម៉ែសម្រាំងថែមដូងខ្ទិះ នំខ្មែរពិសេសញ៉ាំមិនទ្រាន់។

-ស្ករត្នោតច្រើនពាងតម្រៀបគ្នា ជាភោគផល្លា បានទ្រព្យធន ដំណាំជុំវិញ ថែរួសរាន់ មានគោជ្រូកមាន់ ស្រែកខ្ញៀវខ្ញា។

-ម៉ែពុក ហត់ណាស់មិនទំនេរ រួចកិច្ចការស្រែដល់ចម្កា ឱឡឹក ត្រឡាច ល្ពៅចេញផ្កា ត្រសក់អែបគ្នា មានត្រប់ស្រួយ។

-ពពាយពពូន ផ្លែពេញទ្រើង ននោងវារឡើង ទងបោះពួយ ម្ទេសខំចំកោង មិនមានព្រួយ ពុកម៉ែមិនព្រួយខ្វះលុយចាយ។
-ស្ករពុក សស្គុសមិនដាក់ថ្នាំ ឈ្មួញតែងផ្តែផ្តាំ រវៀងអាយ បើលក់បានប្រាក់ គ្រាន់នឹងចាយ ជីវិតរីករាយ ដោយការប្រឹង។
-ដើមត្នោតកេរ្ត៍ តាទុកឲ្យពុក ហើយលោកផ្តាំទុក ថាត្នោតហ្នឹង អត្តសញ្ញាណជាតិកូនត្រូវដឹង ខំដាំ គ្រាន់ពឹងបានផ្កាផ្លែ។

-ប្រយោជន៍ច្រើនយ៉ាងត្នោតខេមរា កូនគួររក្សា ប្រឹងប្រែងថែ កុំកាប់បំផ្លាញ ដើមត្នោតកេរ្ត៍ ត្រូវគិតរិះរេឲ្យមុតមាំ។
-ការអ្វីត្រូវថ្លឹងប្រឹងគិតគូរ ព្យាយាមតស៊ូ ដោយថែទាំ រៀនសូត្រ រៀនរក ផលពីដាំ កុំគិតតែចាំព្រេងវាសនា។

Learn to boast (រៀនអួត)

កំណាព្យ = រៀនអួត ....

-អ្នកឯងបណ្ឌិតនៅចាញ់ខ្ញុំ អំណាចយើងធំមហិមា វាស់សាច់ដុំមើល៍ តើស្មើគ្នា? ច្នេះគួរពិចារណ៍មុនហាស្តី។

-យើងមិនអួតទេ អ្នកចេះដប់ មិនស្មើប្រសប់ មួយ សែនថ្លៃ យើងចេះបត់បែន ចេះលកលៃ កែកុនល្បិចឆ្នៃទាន់ហេតុការណ៍។

-នរណាៗ ក៏ខ្លាចយើង អាម៉ីលើកជើងយើងគ្រប់គ្នា លុតក្រាបសំពះចេះវន្ទា នោះទើបហៅថាឯងគ្រាន់បើ។

-បើឯងប្រឆាំងមុខអន្តរាយ យើងនឹងកំចាយ ឲ្យឯងមើល៍ ប្រាជ្ញឯងនៅខ្ចី ចេះស្ទើរៗ កុំចង់ល្ងីល្ងើជាមួយយើង។

-យើងរៀនអួតនេះមួយជីវិត ចេះចាំពិតៗ ឯងស្ទើរភ្លើង កុំចង់ប្រជែងជាមួយយើង តិចគាស់រំលើងដាច់ពូជផៅ។

-រៀនអួត រៀនអែប រៀនសមគួរ រៀនស្មូម រៀនជួរ ឆ្អិនមិនឆៅ រៀនច្រឡោតខឹង ហាពាក្យក្តៅ យើងនេះមិនខ្លៅ ចេះគ្រប់ដប់។

-ចេះខាងចំណេញប្រាក់ហូរចូល កើនច្រើនចំណូល ជំនួញសព្វ ក្រុមហ៊ុនយើងច្រើនចំណូលគ្រប់ លុយរាប់ឥតឈប់ វាល់កោដិលាន។

-ចង់បានឯកទគ្គកម្មពិភពលោក ថាយើងនេះភោគសម្បត្តិមាន លំដាប់ដាច់គេ ប្រៀបមិនបាន ជាមុនុស្សដែលមានក្រោមមេឃនេះ។

Kolap Meas Bang - កុលាបមាសបង (ស្រី)

ចម្រៀង: កុលាបមាសបង ច្រៀងដោយអ្នកស្រី ប៉ែន រ៉ន (ដកស្រង់ចេញពីភាពយន្តខ្មែរ)
Download

Keng Kang Bat Koun កេងកងបាត់កូន

ចម្រៀង: កេងកងបាត់កូន ច្រៀងដោយអ្នកស្រី រស់ សេរីសុទ្ធា (ដកស្រង់ចេញពីភាពយន្តខ្មែរ រឿង​ពស់កេងកង)
Download

កេងកងបាត់កូន

I. កេងកងបាត់កូន បោកខ្លួនស្រែកយំអើយស្រែកយំ ទួលលើទ្រនំស្វែងរក បុត្រភ្ងាៗ ធ្លាប់ចាំសំបុកទទួលអាហារនិត្យនៅនិទ្ទ្រាក្រោមស្លាបរាល់ថ្ងៃ បែរទៅគូគាប់ប្រែស្លាប់ ចាកឋានអើយចាកឋាន ដោយសារដៃព្រានលបបាញ់ ប្រល័យៗ មុននឹងស្លាប់ចោលផ្តាំមើលបុត្រថ្លៃ កម្មអ្វីចង្រៃបាត់កូនទៅណា?

R. បង្កងធ្លាប់សួតាម X វល្លិជ្រៃ សំបុកកាច់ថ្មីលើខ្ទមអ្នកតា ឱកូនសំលាញ់ទុកស្មើសង្ខា តើលោកអ្នកណាយកកូនខ្ញុំទៅ?

II. ឱសត្វលោកអើយនេះហើយវាសនាអើយវាសនា រឿងអនាថាលោកា ទៀងនៅៗ ព្រាត់ប្តីព្រាត់កូន ព្រាត់សូន្យអស់ទៅ ជីវិតគិតទៅរស់នៅមិនទៀង។

(ត្រឡប់ទៅ R -> II)

Chotmay Machoreach _ ចុតហ្មាយមច្ចុរាជ.mp3

ច្រៀងដោយ: អ្នកស្រី រស់ សេរីសុទ្ធា Download Click here

Teav Ery Srey Teav ទាវអើយស្រីទាវ

Song by Sin Si Samoth and Ros Serey Sothea ទាវអើយស្រីទាវ- សាមុត+សេរីសុទ្ធា Download Click Here

The mother's wish

កំណាព្យ =ប្រាថ្នាឲ្យកូនរស់

-ពេលកូនទំផ្ទៃម៉ែហេវហត់ខ្សោះ ដើម្បីកូនរស់ម៉ែស៊ូអត់ធន់ ពេលឃើញមុខស្ងួនត្រេកអរលើសលន់ ក្តីនឿយពីមុនម៉ែភ្លេចអស់ហើយ។
-ស្នាមញញឹមកូនមានន័យពន់ពេក ពេញចិត្តអនេកកង្វល់បានស្បើយ កូនជាបទភ្លេងកំដរឆ្លងឆ្លើយ គឺអ្នកនេះហើយជាជីវិតម៉ែ។
-អត់មាត់ឯងចុះឲ្យតែបានកូន ឆ្អែតផ្ទៃគ្រប់គ្រាន់ រួចម៉ែបំពេរ ឲ្យកូនលង់លក់ ម៉ែនិត្យនៅក្បែរ ដៃម្ខាងទាញខ្សែ ឲ្យអង្រឹងយោល។
-ពេលកូនភ្ញាក់ឡើងដឹងថានាងឃ្លាន អាហារម៉ែមានបញ្ចុកនិមល ឱ កូនមាសម្តាយ អ្នកជាបណ្តូល រយពាក្យម៉ែពោល រយលានស្រឡាញ់។
-ទំយើរថ្នាក់ថ្នមបមបីឱបរិត ទ័យាស្នាលស្នឹទ្ធចិត្តពិតខ្នក់ខ្នាញ់ កូនមើលច័ន្ទចរដួងផ្កាយចោមពេញ ដូចម្តាយ ស្រឡាញ់កូនប៉ុនផែនមេឃ។
-ម៉ែមានព្រហ្មធម៌ជានិច្ចនឹងស្ងួន មេត្តារលូនធំធេងអនេក ករុណា ដល់បុត្រពិតជាចំណែក មុទិតាចែក សូមសុខចម្រើន។
-ឧបេក្ខា នៃម៉ែដូចព្រហ្មសូត្រ ត្រឈៃជាម្លប់ត្រជាក់សុខកើន ហ័ត្ថម៉ែបមបី និងពាក្យម៉ែក្រើន កូនចាំ .....ដាស់តឿនចិត្តរាល់ៗថ្ងៃ។

Patriotism of Khmer's Ancestors

កំណាព្យ =វិរភាពនៃបុព្វបុរសខ្មែរ

-សុស្ម័នអង់អាចនៃយុទ្ធជន តស៊ូអត់ធន់មិនរួញរា ប្រយុទ្ធទល់នឹងខ្មាំងពាធា ដើម្បីការពារដែននគរ។
-ពលីជីវីមិនរាថយ សុហ្រឹទចិត្តមួយដោយស្មោះសរ កសាងកាពារមហានគរ គង់វង្សបន្តរដល់កូនខ្មែរ។
-ប្រាង្គប្រា ក្បូរក្បាច់រចនាឆ្នើម កិត្តិនាមគួរស្បើមល្បីពូកែ អរិយធម៌ ចម្លាក់ទុកជាកេរ្ត៍ ច្នេះខ្មែរត្រូវថែកេរ្ត៍ដូនតា។
-ប្រាង្គព្រះវិហារនាមាល្បី អង្គរជាញជ័យដែនធារា បាយ័ន បាពួនឬទ្ធិចេស្តា បន្ទាយស្រីធីតា អប្សារាសួគ៌។
-ព្រះខ័ន តាមាន់ តាក្របី តេជះបារមី ស័ក្តិសឹទ្ធធ្លោ កំទេចសត្រូវជីវិតមរ ជួយថែភូមិករបានសុខសាន្ត។
-សមរភូមិជ័យខ្មាំងខ្លបខ្លាច បុព្វបុរសអង់អាច ចិត្តក្លាហាន ស្នេហ៍ជាតិទឹកដី ស៊ូក្ស័យប្រាណ ឲ្យតែជាតិថ្កានជន្នមិនស្តាយ។
-អរគុណវិរបុរសខ្មែរ លោកខំរិះរេកសាងឆ្នៃ សុលាចារិកនូវស្នាដៃ បាត់ឆោមឈ្មោះល្បីក្នុងសាវតា។
-ឱ ខ្មែរអើយខ្មែរថែគម្រូ ដូនតាតស៊ូ បង់សង្ខា ដើម្បីការពារដែនសីមា ឈ្មោះកម្ពុជាជ្រោយសុវណ្ណភូមិ។

សុស្ម័ន =ភាពក្លាហានមុះមុត
សុហ្រឹទ =ភាពជាមិត្តភ័ក្តិ
សុលា =កែ= សិលា

IF I WERE....

កំណាព្យ = បើសិន ..:....:::

-បើសិនខ្ញុំជាស្តេចហនុមាន ប្រយុទ្ធរុញច្រានខ្មាំងពាធា បញ្ចេញមហិទ្ធិឫទ្ធដ៏អស្ចារ្យ កំចាត់ជនណាដែលក្បត់ជាតិ។
-បើសិនខ្ញុំជាព្រះឥន្រ្ទា នឹងជួយប្រជាសុខមិនឃ្លាត រស់ក្នុងសន្តី ភ័យមិនបៀត ឯរោគាពាធចៀសចេញរ៉ា។
-ដាក់ទោសជនណាដែលឧក្រឹដ្ឋ ធ្វើបាបរាស្រ្តឥតក្តីមេត្តា ជួយដល់មនុស្សចាស់ក្មេងកំព្រា ឲ្យមានអាហារទីស្នាក់នៅ។
-ចែកដីចម្ការច្បារដំណាំ ដល់រាស្រ្តរងកម្មក្រផុងជ្រៅ ឲ្យមានជីវិតឥតហ្មងសៅ រស់ក្នុងលំនៅជុំគ្រួសារ។
-ផ្តល់យុត្តិធម៌មិនលំអៀង នរណាមិនទៀង តាមមាត្រា ច្បាប់ដាក់ទោសទ័ណ្ឌ ត្រឹមត្រូវថ្លា ដល់ជនផ្តាច់ការ ចិត្តព្រៃផ្សៃ។
-បើសិនខ្ញុំជាប៉ាវចិន អយុត្តិ គឺមិន ឲ្យអន្តរាយ សង្គមសមភាពរាស្រ្តមន្រ្តី ជនណាអប្រិយផ្តន្ទាទោស។
-បើសិនខ្ញុំជាពលាហក បង្អុរភ្លៀងមកដោយសន្តោស ទិន្នផលដំណាំកើនឡើងខ្ពស់ ប្រជាបានរស់ ដោយរីករាយ។
-បើសិនខ្ញុំជារុក្ខទេវតា ដាក់ទោសជនណាធ្វើឲ្យពាយ បំផ្លាញព្រៃឈើឲ្យខ្ចាត់ខ្ចាយ សត្វឃ្លាតឃ្លាឆ្ងាយពីទ្រនុំ។
-ផ្តល់ទីសុខសាន្តសែនផាសុខ ជីវិតសត្វលោករស់សុខុម មិនមាននរណារងទុក្ខធំ រស់នៅជួបជុំសុខមង្គល។
-សូមឲ្យយុគគ្រោះនិរាសបង់ មនសិការតម្រង់ មកពន្យល់ ដល់នរជនខ្លះវង្វេងខ្វល់ នឹងលោភះ ដល់ លក់ជាតិឯង។

Importance of Country Solidarity

កំណាព្យ = ដើម្បីជាតិ យើងរួមសាមគ្គី

- កកាយ ស្មារតីជាតិនិយម គតិឧត្តមពូនឲ្យខ្ពស់ រួបរួមសាមគ្គីខ្មែរទាំងអស់ ដោយបេះដូងស្មោះការពារថែ។
-ខិតខំ កុំធ្វេសសង្រ្គោះជាតិ ដោយការុញ្ញភាពមនសិការខ្មែរ ជាតិដង្ហើយហៅគួរគ្នាន់គ្នេរ រួសរាន់រិះរេកុំជិនណាយ។
-គិតគូរ កសាងនិងការពារ បើខ្មាំងពាធាយើងកំចាយ វប្បធម៌ត្រចង់ខ្ញង់ពណ្ណរាយ ប្រាសាទទាំងឡាយជាភ័ស្តុតាង។
-ឃោសនា ពន្យល់ប្រាប់ប្រជា យើងពួតដៃគ្នាជាតំណាង ឆន្ទះមុតស្រួចខំស្អឹតស្អាង កុំឲ្យបាត់តាងជាតិខេមរា។
-ងំ ភ្លើងឈាមខ្មែរស្នេហាជាតិ ប្រយុទ្ធ ខ្មីឃ្មាតដែនសីមា កេរ្ត៍តំណែលល្បីនៃដូនតា រុងរឿងកិត្យាលើសាកល។
-ចាត់ចែង ចរចារជាធ្លុងមួយ រួមគ្នាគិតស្ទួយឲ្យផុតខ្វល់ កុំឡើយចចេសគ្មានហេតុផល នោះនាំអំពល់ ជាតិនឹងបង់។
-ឆន្ទះ ព្រមព្រាងអធ្យាស្រ័យ ពេចន៍ពោលមេត្រីគ្រប់ៗអង្គ លៃគិតយ៉ាងណាឲ្យជាតិគង់ សតិតម្រង់ល្អឆ្នើមអើយ។
-ជួបជុំ ភិរម្យមូលសន្ទនា ប្រាស្រ័យសាមគ្គាកុំកន្តើយ ជជែកពិភាក្សារកចម្លើយ ដោះស្រាយឲ្យស្បើយពីអន្លង់។
-ឈប់ ជាន់ពន្លិចខ្មែរគ្នាឯង រឿងឈ្លោះទាស់ទែង ខន្តីអង្គ សតិសម្បជញ្ញះរះត្រចង់ ករុណាជាថង់ នៃគំនិត។
-ញាណី បញ្ញវ័នរាស្រ្តមន្រ្តី ពិចារណ៍ជាថ្មីយ៉ាងសុក្រិត ឈាមខ្មែរដូចគ្នាគួររួមចិត្ត មាតុភូមិស្ថេរស្ថិតបើសាមគ្គី៕


ការុញ្ញភាព =ភាពដែលមានចិត្តមេត្តា អាណិតអាសូរ។
ញាណី=អ្នកឈ្លាសវៃ អ្នកប្រាជ្ញ ។

The Mountain's Speech

កំណាព្យ =ទំនួញបរពត

-រយលានតំណក់ទឹកនេត្រា អង្វរប្រាប់ថាសូមអាណិត ព្រៃស្រោងត្រឈៃមិត្រស្នាលស្នឹទ្ធ ជាគូរជីវិតរាប់ពាន់ឆ្នាំ។
-ជាទីសុខសាន្តផ្តល់មនោរម្យ ម្រឹគសត្វតូចធំតាមចំណាំ ឋានសិនិទ្ធភាពប្រៀបទ្រនុំ ដូចសិនេរុភ្នំធ្លាប់គោរព។ -រដូវលំហើយវាយោផាត់ ហ្វូងបក្សីសត្វទុំឈរឈប់ នឹងបង្គងមែកដែលជាម្លប់ ប្រៀបឋានសួគ៌ភពនៃជីវិត។
-ដងអូរជ្រោះជ្រៅទឹកហូរច្រាវ បែកផ្សែងមើលស្រៀវ រមណីយ៍ចិត្ត ភាណុមាចាំងរស្មីស្នឹទ្ធ ដូចពេជ្រឆ្នៃពិតចែងសោភ័ណ។
-អាណាច័ក្របរពតខ្ចាយសម្ផស្ស ទេសចរសោមនស្សពេលអារុណ ទស្សនាមិនណាយមមៃគន់ អក្ខរារយពាន់ចារមិនអស់។
-ឥឡូវបរពតទង្គឹះថ្ងូរ ទ័ណ្ឌកម្មលោភោឲ្យទោមនស្ស ព្រៃធ្លាប់ស្តុកស្តម្ភម្តេចឡើយខ្សោះ បង់អស់សម្ផស្សធ្លាប់ប្រណីត។
-ទឹកធ្លាប់ថ្លាឈ្វេងប្រែជាល្អក់ ខ្សឹកខ្សួលដង្ហក់ដិយវិប្បរិត វិនាសកម្មហើយគ្មានអ្វីឋិត ដូចមានជីវិតឥតវិញ្ញាណ។
-សាលព្រឹក្សសោភាទីមណ្ឌល ធ្លាប់សុខសាន្តផ្តល់ ម្លប់ជាទាន បុប្ផា ឈើព្រៃ រំពៃឋាន អួតគន្ធរសបានដល់ភូមិរា។
-ឥឡូវក្រៀមក្រោះអស់សង្ឃឹម បរពត ត្រូវយំបង់សង្ខា ម្តេចឡើយមនុស្សលោកមកពាធា គ្មានទេករុណាចិត្តអប្រិយ។
-មល្លីកា ផ្កាព្រៃ ស្រីឆ្នើមចិត្ត បរពត ធ្លាប់ឋិតក្នុងចិត្តស្រី ឥឡូវសូន្យបង់ ទីរមណីយ៍ ទាំងដងព្រឹក្សព្រៃ យើងមរណា។

បរពត ឬបព៌ត =គីរី ភ្នំ
ភាណុមា =ព្រះអាទិត្យ
មល្លិកា=ជាឈ្មោះផ្កា ...
សាលព្រឹក្ស =ឈ្មោះឈើមួយប្រភេទ មានស្លឹកវែងស្រួច ជាឈើធំ មានផ្កាចេញទងពីតួដើម និងពីមែកធំៗ ផ្កាមូលធំៗ សម្បុរក្រហមលាយលឿង មានក្លិនក្រអូបឈ្ងប់ រីកហើយឆាប់រោយទៅវិញ ជ្រុះត្របកនិងកេសរមករាយលើផែនដី។ ឈើនេះមានឈ្មោះហៅបីយ៉ាង =សាលព្រឹក្ស អស្សកណ្ណព្រឹកហស និថសជ្ជព្រឹក្ស។

Power of Love

កំណាព្យ=ឥទ្ធិពលស្នេហ៍ ..

-កង្រីស៊ូស្លាប់ព្រោះតែស្នេហ៍ស្មោះ វិធាវីទុក្ខព្រោះកម្មបំបែក ទោះទ្រព្យធនស្តុកមិនអាចមកចែក ឲ្យស្នេហ៍រហែកព្រាត់គ្នារៀងៗ។
-ទាវស្លាប់តាមទុំព្រោះគិតក្នុងចិត្ត មិនអាចរស់ពិត ដូចមេឃឥតភ្លៀង ផែនដីនិងស្រស់ មានរៀមនិងនាង កម្មកាចពង្វាងឲ្យស្នេហ៍ឃ្លាតឃ្លា។
-ដូច Romeo and Juliette អំណាចបំផុតស៊ូស្លាប់រួមគ្នា ឱ ឥទ្ធិពលស្នេហ៍ រិទ្ធខ្លាំងមហិមា រៀមនិងអសុរា ច្បាំងព្រោះ តែស្នេហ៍។
-ព្រះជ័យជេដ្ឋា ទីពីរចមក្សត្រ លង់ស្នេហ៍ប្រតិព័ទ្ធ រាជនីបំបែរ ខិតព្រំសីមា ព្រោះដើម្បីស្នេហ៍ សាវតាជាតិខ្មែរបានកត់ចំណាំ។
-វិករស្នេហានាំឲ្យវង្វេង សតិបែកឆ្វេង ធ្លាក់ក្នុងក្រញ៉ាំ អាចស្មន់ក្បត់ផិតកិត្តិយសប្រេះស្រាំ ឥទ្ធិពលស្នេហ៍នាំឲ្យអន្តរាយអង្គ។
-គួរគិតពិចារណ៍ឲ្យបានត្រឹមត្រូវ ទំនៀមសល់នៅកុំឲ្យបាត់បង់ ថែប្រពៃណីឲ្យបានផូរផង់ ទៅតាមគន្លងវប្បធម៌ខេមរា។
-បើជួបស្នេហ៍ស្មោះនោះទើបប្រសើរ មង្គលដំណើរអ្នកផ្លូវចៅមហា មានទាំងពរជ័យពីលោកមេបា ភ្ញៀវច្រើនត្រៀបត្រាបាចផ្កាស្លាជ័យ។
-គ្រួសារសុខដុមទ្រនុំបវរ ស្នេហ៍ពិតស្មោះសររុងរឿងមេត្រី មេត្តា ករុណា ទ័យាខន្តី ស្នេហ៍មានរស្មីសុខសាន្តទៅអើយ។

វិករ =ជម្ងឺ រោគា

Good morning

Good Morning ....!

-អរុណោទ័យពេលព្រលឹម ធម្មជាតិប៉ប្រឹមទិវាថ្មី សុរិយាចាប់ផ្តើមសាច រស្មី ជួយភពផែនដីពីអន្ធការ។
-ផ្កាឈូករីកស្រស់ក្នុងស្រះស្រង់ ហាក់ដូចជារង់ចាំនរណា រង់ចាំឈូកស្រី ឬកណ្ណិកា? នារីរត្ននា សុម៉ាលី?
-ឬកុលធីតា ស្រីកល្យាណ នាងចុះចាកឋានមកអញ្ជលី បេះថ្វាយពុទ្ធអង្គខ្ញង់ផ្កាភ្ញី រចនាសំភីគាប់នេត្រា។
-ទូកត្នោតតូចមួយជ្រែកផ្ទៃទឹក ឮសូរសន្ធឹកភ្លឹកចិន្តា លាយឡំតន្រី្តនៃបក្សា ប្រគុំរួមគ្នាលាន់ច្រៀវច្រៃ។
-ស្រីតូចនាងងអុំ ភ័ក្រ្តញញឹម ល្អគ្មានស្រីផ្ទឹមក្នុងលោកីយ៍ នេត្រាស្រទន់គួរបេត្តី សក់វែងអន្លាយរលោងស្រិល។
-ដៃឈោងកាច់ផ្កាដាក់ក្នុងទូក បន្តរទៅមុខមិនមានខ្ជិល ស្រីតូចចំណាប់ អុំបង្វិល ព្រោះត្រូវដល់ពេលចូលគេហា។
-ផ្កាឈូកច្រើនណាស់ស្រីនាងកាច់ រៀបចំឲ្យស្រេចដោយរចនា ពត់ពេនស្រទាប់គាប់នេត្រា នេះស្រីខេមរាចេះចំណាន។
-ផ្កាឈូកចងបាច់រៀបយ៉ាងស្អាត ស្រីនាងសង្វាតទៅចង្រ្កាន រៀបចំស្លរស្លុក លាងចានក្បាន ដួសដាក់ស្រាក់បាន ទុកជូនម្តាយ។
-យកទៅវត្តវ៉ាប្រគេនសង្ឃ មានផ្កាឈូកផងសម្រាំងថ្វាយ ដល់ព្រះពុទ្ធា រតន្នត្រ័យ គុណកែវទាំងបីថ្លៃវិសេស។
-ខ្មែរយើងជាពុទ្ធសាសនិកជន ខិតខំធ្វើបុណ្យមិនមានធ្វេស ស្អិតស្អាងចិត្តកាយនៅជាតិនេះ មន្ទិលជម្រះ ប្រាថ្នាល្អ។

The Flute

កំណាព្យ = សម្លេងខ្លុយ

-ឱ សម្លេងខ្លុយសែនពិរោះ ឲ្យខ្ញុំស្រណោះអ្វីម្ល៉េះទេ ឃើញក្បាច់ចម្លាក់ ស្ថាបនិកខ្មែរ បន្សល់ជាកេរ្ត៍ជាតំណាង។
-ឱ សម្លេងខ្លុយលួងបំពេរ ដាស់សតិខ្មែរ ការពារសាង រួបរួមសាមគ្គីជាកម្លាំង ទើបជាតិយើងខ្លាំង ខ្មាំងខ្លបខ្លាច។
-ឱ សម្លេងខ្លុយជាមន្តស្នេហ៍ យប់មានដួងខែ ចាំងចិញ្ចាច នឹកស្រែនឹកស្រូវ នឹកពេលល្ងាច នឹកសៀងរហាត់ស័ព្ទទឹកហូរ។
-ឱ សម្លេងខ្លុយ នាំអារម្មណ៍ នឹកកែវតូចតន់ច្រៀងកំដរ នៅខ្ទមចាំស្រែ ខ្យល់ជំនោរ ពេលយើងឃ្វាលគោ ខែកត្តឹក។
-បងអ្នកផ្លុំខ្លុយ នាងអ្នកស្តាប់ រយពាន់ពាក្យប្រាប់ ច្រើនពន្លឹក អានុស្សាចាំ រាល់ល្ងាចព្រឹក មុំសើចកក្អឹក ដៃនាងក្តិច។
-ឱ សម្លេងខ្លុយ ផ្លុំមិនណាយ រៀបរាប់បរិយាយ ចាំមិនភ្លេច រឿងរ៉ាវអតីត ចាំពាក្យពេចន៍ ភ្លៀងរលឹមស្រេចប្រគុំអម។
-ឱ សម្លេងខ្លុយ សៀងសណ្តំ បែបបទប្រគុំមានទឹកដម លួងលោមនែបនិត្យចិត្តប្រលោម សម្លេងខ្លុយបម ថ្នមថ្នាក់ចិត្ត។
-ចង់ស្តាប់ជានិច្ចសៀងខ្លុយអើយ ចិន្តាបានស្បើយ ខ្វល់ខ្វាយគិត បើសិនដូចប៉ង ផ្សងជួបពិត សម្លេងខ្លុយស្ថិត ជិតមិនឃ្លាត។

My hometown my homeland

កំណាព្យ = នឹកភូមិ នឹកស្រុក(បទបន្ទោលកាក )

-ឃ្លាតកាយឆ្ងាយភូមិ ឃ្លាតទាំងទ្រនុំធ្លាប់នៅ ចិន្តាហ្មងសៅ ហៅសែនកណ្តោចកណ្តែង។
-នឹកវាលស្រែស្រូវ នឹកដល់ពាក្យពៅធ្លាប់ថ្លែង នឹកទីកន្លែង នឹកជ្រោះជ្រលងដងអូរ។
-នឹកខ្ទមចាំស្រែ នឹកគ្មានពេលល្ហែវាយោ បក់គន្ធពិដោរ នៃរសបុប្ផាព្រៃភ្នំ។
-នឹកសៀងសូរស័ព្ទ ពិរោះស័ព្ទគាប់រណ្តំ លលកបូលយំ ព្រោះឃ្លាតទ្រនុំធ្លាប់ជ្រក។
-ខ្ញុំសែនអាល័យ នឹកឃើញសំដីពន្លក ចចារទៅមក ឥឡូវខានស្តាប់សូរសៀង។
-សំណព្វហឫទ័យ នែបនិត្យមេត្រីជិតនាង នឹករដូវភ្លៀង យើងច្រៀងចម្រៀងឆ្លើយឆ្លង។
-ធ្លាប់ងូតទឹកអូរ រហាត់ទឹកថ្ងូរផ្តោះផ្តង សំណាងកន្លង បានជួបនួនល្អងជាគូរ។
-សម្រស់ផ្កាព្រៃ កាច់សៀតកេសី ដូចគូរ គន់មើលយូរៗ រៀមស្ទើភ្លេចភ្លឹកនេត្រា។
-មើលហ្វូងបក្សី ប្រចឹកចំណី ត្រៀបត្រា សប្បាយអស្ចារ្យ ឥតមានខ្វល់ខ្វាយរឿងអ្វី។
-បណ្តែតអារម្មណ៍ នឹកគ្រាភិរម្យក្មេងវ័យ ទិវាមានន័យ នឹកចាំចំណាំមិនភ្លេច។

Miss you

កំណាព្យ = ចង់នៅជិតប្អូន .......

-បើសិនខ្ញុំជាបក្សីសត្វ អាចហើរច្រវាត់ពេញផែនមេឃ នឹងប្រើឋាមពលហោះកាត់ជ្រែក ទម្លុះផែនមេឃជួបប្អូនភ្លាម។
-តែសែនសង្វេគនៅក្នុងចិត្ត ឆ្ងាយអើយឆ្ងាយគិតមុំនិងរៀម បានត្រឹមចិត្តនឹកភ្លឹកក្រំក្រៀម ហឫទ័យស្ងាត់ស្ងៀមបៀមពាន់ព្រួយ។
-បេះដូងខ្សឹកខ្សួលអួលអាក់ប្រាប់ ទង្គឹះរៀបរាប់ ស្ទើររលួយ ញាប់ញ័រកញ្រ្ជោកយោគរញ្ជួយ ឱ ប្អូនជាត្រួយបណ្តូលចិត្ត។
-បានត្រឹមមើលខែថែចិត្តនឹក តារាសន្ធឹកចោមជុំជិត ចម្លែកអ្វីខ្ញុំ មុំឆ្ងាយស្នឹទ្ធ បានត្រឹមតែគិតមិនដូចប៉ង។
-បើសិនមានឫទ្ធដូចឫទ្ធិសែន ហោះរំលងដែនសមុទ្រផង ទៅជួបនាងភ្លាមមិនបង្អង់ ឱ ក្តីបំណងដូចវេហា ......

Painful

កំណាព្យ = សែនឈឺចិត្ត .......

-អុកសារ៉េនក្អួតឈាមព្រោះរឿងស្នេហា ឯរាស្រ្តប្រជាឈឺចាប់រឿងជាតិ សម្បទានដីធ្លីនៅមិនស្កប់ទៀត ឥឡូវ ខំវាត ដូរទាំងភូមិករ។
-ស្រុកខ្មែរចម្លែកខុសគេមួយចប់ បំផ្លាញមិនឈប់ធនធានសម្បូរ លក់កេរ្ត៍ដូនតាដោយគ្មានអាសូរ ឱ មេឃម្តេចពណ៌ងងឹតសូន្យឈឹង។
-ទឹកភ្នែកប្រជា ស្តែងក្តីឈឺចាប់ នគរដែលធ្លាប់ឆ្នើមនាមាម្លឹង ឥឡូវម្តេចប្រែ ខ្សោះសូន្យព្រលឹង អស់ក្តីរំពឹង នៅទ្រឹងឈប់ស្ងៀម។
-ហេតុអ្វី លោភោមានអំណាចម្ល៉េះ? លក់ជាតិ ប្រទេស ប្រជាក្រំក្រៀម វង្វេងក្នុងយស ទោសះគម្រាម រាស្រ្តខ្មែរក្រំឈាមបៀមទុក្ខរីងរៃ។
-ចិត្តជាទេវទត្តមាត់ជាទេវតា រយលានឈឺផ្សា ហួសនឹងបរិយាយ ខ្លួនក្បត់មាតុភូមិ ផ្តល់ជីវិតកាយ តែប្រែរីករាយ គ្មានសម្បជ្ជញ្ញះ។
-ងងើល ល្ងឹតល្ងង់ សំញែងខ្លួនឆ្នើម អួតអញគួរស្បើម ឫកអឿហួសថ្នាក់ លុតក្រាបហ្មបហ្មាយប្រាថ្នាយសស័ក្តិ ពិតជាមូឡ្ហះ មាយាទអន់ពេក។
-ពស់វែកលាក់ពិស តាំងខ្លួនសច្ចំ ធ្វើពើល្អខ្លាំង ក្នុងពិសអនេក សូមព្រលឹងវិរបុរសមកជួយរំលែក ប្រជាយំយែក រងទុក្ខយ៉ាងខ្លាំង។
-ជួយបណ្តាលចិត្តឲ្យខ្មែររួបរួម សាមគ្គីមូលផ្តុំ ប្រយុទ្ធតតាំង សូមប្រសិទ្ធី ជួយឲ្យខ្មែរខ្លាំង បរាជ័យពួកខ្មាំងឈ្លានពាននគរ។
-សូមឫទ្ធិទេវតាមួយម៉ឺនលោកធាតុ ចេញមកព្រោងព្រាតកម្លាំងចលករ ជួយថែកម្ពុជាឲ្យផុតវឹកវរ នាំសុខ មង្គល ធម៌ ដល់ប្រជាជន។

មូឡ្ហះ ឬ មូឡ្ហោ គុណនាម ខ្លៅ ល្ងង់ មមីងមមាំង

The wise and the foolish

អ្នកល្ងង់ អ្នកប្រាជ្ញ

-អ្នកល្ងង់ គិតម្យ៉ាងប្រយោជន៍ខ្លួន ឲ្យតែអញពូនធនធានកើន ចង់នរណាស្លាប់មិនខ្វល់ច្រើន ឫកគួរស្អប់ខ្ពើម គ្មានប្រយោជន៍។
-ជាមនុស្សអាត្មានិយមចំ ក្អេងក្អាងឫកហំឈ្មោះអសោច គ្មានគិតទឹកដីរងផ្សាខ្លោច រស់ឥតប្រយោជន៍នាំធ្ងន់ដី។
-អ្នកប្រាជ្ញប្រឹងប្រែងស្វែងរកសុខ ឃើញរាស្រ្តរងទុក្ខគិតលកលៃ ឈឺឆ្អាលយិតយោងឲ្យស្បើយភ័យ គិតដែនបូរីខ្លាចបាត់បង់។
-ជាមនុស្សប្រកបដោយគុណធម៌ ទឹកចិត្តស្មោះសរល្អត្រចង់ ឧត្តមគតិ គិតបំណង ជួយជាតិឲ្យឆ្លងភ័យន្តរាយ។
-បំណាច់កើតមកជាអង្គមនុស្ស ចៀសវៀងផ្លូវខុស ទ្រុសអបាយ ផ្ចង់កិរិយា កុំរាយមាយ កុំប្រែជិនណាយ សមាហិតចិត្ត។ -លះចេញនូវចិត្តអន្យតិរ្ថិយ ឃោរឃៅព្រៃផ្សៃសាមាណ្យពិត គួរមានមេត្តា ករុណាស្នឹទ្ធ ទើបឈ្មោះអង្គក្រិត សប្បុរសជន។
សមាហិតចិត្ត =ចិត្តដែលស្លុងក្នុងសមាធិ ដោយអារម្មណ៍ល្អ

The foolish and the Wise

• The foolish are concerned only about themselves . 
• Doing only what is beneficial for them . 
•  They usually are hated.
• The wise are concerned about the ultimate good . 
•  Acting for the sake of all mankind. 
•  They are always needed even though they need no one.

Rural Children in Cambodia

កំណាព្យ =កុមារនៅស្រុកស្រែ

-ក្រោកពីព្រលឹមជួយការងារ សំអាតទីធ្លាឲ្យបានស្អាត រែកទឹកដាក់ពាងពេញៗព្រៀប ចានក្បានរៀងរៀបឲ្យត្រឹមត្រូវ។
-រួចរៀបចំខ្លួនទៅសាលា ម្នីម្នាយាត្រាដើរតាមផ្លូវ ចងចាំពាក្យម៉ែតែងប្រដៅ កូនខំរៀនទៅទាន់នៅក្មេង។
-ត្រឡប់ពីរៀនស្ទុះដាំបាយ រវៀងរាងអាយ ប្អូនរត់លេង បញ្ចុកប្អូនឃ្លាន និងបន្លែង លាតខ្សែឲ្យវែងយោលឲ្យដេក។
-ឆ្លៀតជួយពុកម៉ែ ឃ្វាលគោទៀត រវាំងឆ្លាស់ឆ្លៀត ដៃញាប់ស្អេក ត្បាញមួក ដេប៉ះ អាវរហែក មិននៅជជែកឥតបានការ។
-ជួនបេះព្រលឹតគ្រាន់ស្លរស្លុក ក្រសាំងគ្រាន់បុក ឆ្ងាញ់ពិសារ ឬក៏ស្ទូចត្រីផ្សែផ្សំគ្នា ជួនបានច្រវា ឬត្រីរ៉ស់។ -មិននៅទំនេរកូនអ្នកស្រែ បានជួយពុកម៉ែចិត្តសោមនស្ស ស្រោចទឹកដំណាំ ឲ្យល្អស្រស់ ស្លឹកគ្រៃលូតលាស់ពណ៌បៃតង។
-ននោង ត្រសក់ ផ្ទី ពពាយ ត្រឡាចមិនណាយ ទ្រើងរនង ឃ្លោក ត្រប់ ម្ទេសផ្លោក មិនរំលង ដុះក្បែររបង ច្រើនស្អេកស្កះ។
-បន្លែធម្មជាតិដាំខ្លួនឯង ខ្ញុំចេះចាត់ចែងដាំក្រោយផ្ទះ បើយើងទិញគេ នាំអស់ប្រាក់ សន្សំលុយកាក់ទិញសៀវភៅ។
-រសៀលត្រជាក់ គោចូលក្រោល ការងាររួចរាល់ យប់ក៏ជ្រៅ មើលមេរៀនទៀត ស្វាធ្យាយពៅ វិជ្ជាត្រាយផ្លូវបានរុងរឿង។

Trending in Cambodia

កំណាព្យ = ភូមិខ្ញុំដូរម្ចាស់

-ទឹកភ្នែកខ្ញុំហូរស្ទើរខ្សោះប្រាណ ស្រណោះភូមិឋានធ្លាប់រស់នៅ វប្បធម៌ផូរផង់ខ្ញង់ពេកកូវ ម្តេចឡើយឥឡូវត្រូវប្តូរផ្លាស់?
-ស្រណោះវាលស្រែវែងអន្លាយ ស្រះជាប់នឹងព្រៃ ឈូកដេរដាស ដើមត្នោតកេរ្ត៍តា យូយារណាស់ ឥឡូវប្តូផ្លាស់ម្ចាស់ថ្មីហើយ។
-ឱ ព្រំសីមា អ្នកទួញយំ បាត់ហើយទ្រនុំ ផ្តល់សុខអើយ អាណិតប្រជាឃ្លាតញាតិហើយ តើថ្ងៃណាឡើយនឹងវិលវិញ។
-ក្រញ៉ាំចោមារចិត្តតិរច្ឆាន ឃោរឃៅសាមាន្យលោភះពេញ រំលោភឈ្លានពាន រាស្រ្តទោម្នេញ ហាស្តីលែងចេញ ទុក្ខពេញប្រាណ។
-តម្អូញតម្អែ ចិត្តឈឺចាប់ អាណិតជាតិធ្លាប់ល្អចំណាន ពេលនេះជាតិអន់ គ្មានវិញ្ញាណ សង្ឃឹមបានថ្កាន ឆ្ងាយអនេក។
-សម្បុរសម្បក សកត្រកូល ខ្លឹមច័ន្ទបណ្តូល ស្ពោតក្រៀមបែក វប្បធម៌ត្រចង់ពួនយំយែក មាតុភូមិហួហែក គ្មានអ្វីនៅ។
-សម្បុកសម្បូរ ធនធានរ៉ែ សល់ភាពទទេរ ចិត្តដំបៅ ឱ ខ្មែរអើយខ្មែរ ផុងជ្រោះជ្រៅ សល់ឈ្មោះ ដែលនៅ តែជាតិសូន្យ។
-មិនដឹងខ្មែរក្រោយរស់យ៉ាងណា? ម្លេះរស់វេទនាដូចជាក្បូន សល់ដង្ហើមធំ តាងទុក្ខធ្ងន់ ស្រពាប់ស្រពន់ ទារុណជាតិ។
-រាស្រ្តរស់ ដូចជនអនាថា គ្មានទាំងមេបា នៅក្បែរបៀត រយសែនមុឺនព្រួយ រស់ អនាថ ជីវិតចង្អៀត ឬយ៉ាងណា? -ស្រងល់ ស្រងូតក្នុងហឫទ័យ ភូមិចាស់ម្ចាស់ថ្មី រែងឯកា លាហើយៗ ឈ្មោះខេមរា ភូមិខ្ញុំនេះណា មានឈ្មោះថ្មី?
Glossary អនាថ=ឥតទីពឹង...

Mother

I'm very hungry Mom ...! Where are you now ?

ឯណាម៉ែខ្ញុំ

-ថ្មើរណេះទៅហើយមិនឃើញម៉ែ កូនឃ្លានម្ល៉េះទេចង់ស្រែកយំ ម៉ែយ៉ាងម៉េចហើយ អាសន្នធំ ជួយរកម៉ែខ្ញុំឲ្យឃើញផង។
-បើសិនគ្មានម៉ែ កូនឯកោ កូនយំទ្រហ៊ោ គ្រានេះម្តង ព្រះពុទ្ធជាម្ចាស់ជួយខ្ញុំផង ឲ្យម៉ែបានឆ្លងផុតគ្រោះភ័យ។
-ជ្រកក្រោមទ្រូងម៉ែកូនកក់ក្តៅ ម៉ែបញ្ចុកពៅនូវចំណី ម៉ែថ្នាក់ថ្នមកូនរាល់រាត្រី បំពេរចរណៃឲ្យនាងគេង។
-ជួនម៉ែទូន្មានប្រៀនប្រដៅ អប់រំឆោមឆ្លៅកុំឫកខែង ចេះឱនលំទោននិងកោតក្រែង កុំឡើយលលេងស្តីញ៉េះញ៉ោះ។
-ជួញមិត្តជាជាងជួញសត្រូវ ត្រូវខ្ពើមណាពៅរឿងប្រឈ្លោះ អត់ធ្មត់ខន្តី អភ័យទោស កុំដួចកំហុសតូច ជាធំ។
-ចូរចាំពាក្យម៉ែជាប់នឹងខ្លួន សំបុកមាំមួនយើងសុខុម ទោះបីភ្លៀងខ្យល់អាចជ្រកពួន ទ្រនុំភិរម្យដល់ជីវិត។

Dream

កំណាព្យ =ឱ ក្តីសុបិន

-ចង់ចរចា ប្រាថ្នាប្រាប់ ស័ព្ទផ្តោះផ្តង នឹងនួនល្អង ក្រងក្តីស្នេហ៍ ថែក្នុងចិត្ត ពេលជួបស្ងួន នួនកន្និដ្ឋា គ្រានែបនិត្យ គាំងពាក្យពិត គិតមិនយល់ ខ្វល់ហឫទ័យ។
-ខឹងខ្លួនឯង ស្តែងឫកពារ ឃ្លាចង់ពោល ជួបនិមល កល់ពាក្យថ្លែង ចែងមេត្រី ចង់ប្រាប់ថា ប្រាថ្នាជួប ផ្គួបភក្តី ស្នេហ៍មានន័យ ស្រីនិងបង ប៉ងលុះសូន្យ។
-មើលបុប្ផា គ្រាសាយ័ន្ត រាន់ស្នេហ៍ស្នឹទ្ធ ម្ចាស់ជីវិត ពិតឧត្តម រមនាពូន ស្នេហ៍ត្រកាល ថ្នាលមង្គល ខ្នល់ខ្នើយស្ងួន រៀមនិងនួន មួនមាំចិត្ត ឥតប្រេះឆា។
-តែគ្រានេះ ប្រេះឱរា សាសងឃ្លាត ទ្រូងចង្អៀត សៀតអួលណែន សែនឈឺផ្សា សម្លេងឃ្លោះ ឈ្លោះរងំ ឃុំផ្កាស្លា ហាក់ចរចារ សាសងប្រាប់ គាប់និរាស។
-ឱ វេនកម្ម ចាំផ្តន្ទា គ្រានេះម្តង ចិត្តសៅហ្មង កងកម្មចែក បែកព្រាត់ប្រាស់ រជនីករ បវរគាប់ ប្រាប់ប្តូរផ្លាស់ ស្នេហ៍ ជួប ច្បាស់ ប្រាស់មិនណាយ ឆ្ងាយរៀងៗ។
-ដូចយល់សប្តិ៍ ភ្ជាប់និស្ស័យ ឆ្នៃផ្អែមល្ហែម ស្នេហ៍មែនទែន សែនវិយោគ លោកមិនទៀង ជួបម្តេចព្រាត់? កត់ចំណារ ចារឲ្យឃ្វាង បងនឹកនាង រៀងរាល់ថ្ងៃ ក្រៃលើសលន់។
-ស្មាលាស្នេហ៍ ស្បែរស្បថថា លារហូត ស្នេហ៍រោលដុត មុតបេះដូង រូងទារុណ កុំឲ្យយល់ ខ្វល់ខ្វាយគិត ត្បិតរែកពុន ទម្ងន់ទុក្ខ ស្មុគច្របល់ សល់ចំបែង ....:::.!
រជនីករ = ព្រះច័ន្ទ

Sight seeing: Flower

កំណាព្យ =មើលផ្កា ....

-ផ្ការីកស្គុសស្គាយច្រើនស្អេកស្កះ ក្រហមច្រាលដាសអួតនេត្រា ជំនោរបើុយៗបមទ័យា រាល់ពេលសុរិយាអស្តង្គត។
-ល្ហែល្ហើយ កំសាន្តឋានរម្យនា ស្រម័យសួគ៌ាឋានតុសិត ខ្នងផ្អែកដើមឈើចិត្តនឹកគិត នឹកគ្រាអតីតចិត្តរីករាយ។
-វេហាដេដាសហ្វូងបក្សា ហិចហើរប្រាថ្នានឹងវិលវៃ ដូចផ្កាក្រពុំគួរមេត្រី កន្លង់ឃ្មាតខ្មីពុំកន្តើយ។
-ឯនាយម្ខាងណោះមេអំបៅ ត្រដាងស្លាបទៅល្អដល់ហើយ ដូចរជនកម្មវិចិត្រករអើយ តុបតែងឲ្យហើយជាស្នាដៃ។
-សោភ័ណនៃផ្កាអួតសម្រស់ ឆដាសម្ផស្សពេលរាត្រី ផ្កាយោលរេរាំនាំភិសម័យ សន្សើមបមបីប្រស់ព្រំស្រព។
-ហិមះ ករុណាដល់បុប្ផា ដូចព្រះសុរិយាមេត្តាភព ដូចវិញ្ញូជនតែងជាម្លប់ ប្រាជ្ញប្រាយផ្សាយផ្សពចិត្តជាបុណ្យ។
-ផ្ការីកហើយរោយជាធម្មតា ប្រៀបដូចសង្ខាតែងទោរទន់ កើតចាស់ឈឺស្លាប់ជីវិតពុន ច្នេះគិតឲ្យទាន់ខំសាងល្អ។
Glossary: រជនកម្ម=ការលាបថ្នាំរំលេចពណ៌ ហិម:=សន្សើម ឆដា =ពន្លឺ

Insurance in Cambodia

What is the best insurance company in Cambodia? Here is a list of well-known Insurance in Cambodia.

• CAMINCO- Cambodian National Insurance Company
• Forte Insurance Cambodia Plc
• Asian Insurance (Cambodia) PLC
• Infinity General Insurance Plc
• Cambodia Life Insurance Company Plc
• Cambodia-Vietnam Insurance Company

Avocados ផ្លែអាវូកាឌូ

ផ្លែអាវូកាឌូ

ផ្លែអាវូកាឌូ ត្រូវបានប្រជាជនខ្មែរមួយចំនួននិយមហៅថា ផ្លែបឺរ។ ដោយឡែកនៅក្នុងប្រទេសកម្ពុជាយើង ផ្លែនេះត្រូវបានគេដាំនៅតាម តំបន់ដែលមានអាកាសធាតុត្រជាក់ ជាពិសេសគឺតំបន់ភ្នំ ដូចជានៅខេត្ត រតនៈគីរី ខេត្តមណ្ឌលគីរី និងខេត្ត កោះកុងជាដើម។ ផ្លែអាវូកាឌូ ពិតជាមានសារៈសំខាន់ណាស់ចំពោះមនុស្សគ្រប់វ័យ។ វីតាមីន K នៅក្នុងផ្លែឈើនេះ អាចជួយធ្វើអោយឆ្អឹងរបស់យើង រឹងមាំ។ សារធាតុ ហ្វាយប័រ (Fiber មានប្រមាណ ៣៨%) របស់វា មានប្រយោជន៍ចំពោះសុខភាពបេះដូងរបស់យើង។
វីតាមីន E វីតាមីន C និងវីតាមីន B6 ជាប្រភពនៃសារធាតុ ទប់ស្កាត់ចំពោះ សារធាតុប្រឆាំងអុកស៊ីតកម្ម (Antioxidant) អាចជួយថែរក្សាស្បែក អោយស្រស់ស្អាត និង ជួយការពារនឹងជំងឺមហារីកស្បែកជាដើម។ ការទទួលទាន អាវូកាឌូ ក៏ជាប្រភពយ៉ាងល្អ សំរាប់ការផលិតថាមពល វីតាមីន B5 និង ជាតិប៉ូតាស្យូមសំរាប់ការប្រើប្រាស់របស់សាច់ដុំ។ វាក៏ផ្ទុកនៅសារធាតុសំខាន់ៗមួយចំនួនដូចជាកាប៉ូហាយដ្រាត ស្ករ Solube and Insolube fiber សូដ្យូម អាស៊ីតខ្លាញ់ អាមីនូអាស៊ីត ។ល។ ជាតិស្កររបស់វាមានកំរិតទាប បើធៀបជាមួយផ្លែឈើដទៃ។ អ្នកដែលមានជំងឺ ទឹកនោមផ្អែម អាចទទួលផ្លែឈើនេះបានច្រើន ពិសេសទៅទៀត គេបានរកឃើញថាការបរិភោគផ្លែអាវូកាឌូ គឺជួយអោយកំរិតជាតិស្ករនៅក្នុងឈាមមានភាពទៀតទាត់។

Papaya ផ្លែល្ហុង

ផ្លែល្ហុង

ផ្លែល្ហុងគឺជាផ្លែឈើម្យ៉ាងដែលសំបូរទៅដោយសារធាតុសំខាន់ៗសំរាប់ទប់ស្កាត់ សារធាតុប្រឆាំងអុកស៊ីតកម្ម ជាពិសេសគឺ ផ្លែល្ហុងទុំ។ វាសំបូរទៅដោយ ឃែរ៉ូធេនីស(Carotenes) វីតាមីន C, វីតាមីន B, វីតាមីន A, វីតាមីន E, វីតាមីន K, អាស៊ីត ហ្វូលីច (Folic Acid), ហ្វូលេត (Folate ជាសារធាតុជំនួយដល់ការបង្កើនគ្រាប់ឈាម ក្រហម និងប្រឆាំងជំងឺលើសឈាម), ប៉ូតាស្យូម, និង ហ្វាយប៊ឺ (Fiber) ជាដើម។ ការនិយមទទួលផ្លែល្ហុងទុំ អាចផ្តល់អោយអ្នកនៅសារប្រយោជន៍ជាច្រើនដូចជា៖

• ទប់ស្កាត់នឹងការមានជំងឺបេះដូង និងប្រឆាំងនិងការកើតមហារីក
• ធ្វើអោយប្រព័ន្ធបញ្ចេញកាកសំនល់ដំណើរការបានល្អ
• ប្រឆាំងនិងការរីករាលដាលនៃមុខរបួសដែលកើតដោយសារការរលាក និងជួយផ្សះមុខរបួសបានលឿន
• ដោយភាពសំបូរបែបនៃ វីតាមីន A និង វីតាមីន C ផ្លែល្ហុងអាចជំនួយប្រព័ន្ធការពាររាងកាយ ការពារនឹង ជំងឺ ផ្តាសាយនិងការឈឺត្រចៀកជាដើម។
• បំបនសួត
• ជំនួយស្បែក ។ល។

Banana ចេកណាំវ៉ា

ចេកណាំវ៉ា

ចេកណាំវ៉ា ផ្តល់វីតាមីន A ខ្ពស់ជាងគេ បំផុតក្នុងចំណោម ចេកទាំងអស់។ មិនតែប៉ុណ្ណោះ វាថែមទាំងមាន វីតាមីន B1 វីតាមីន B2 វីតាមីន C និង វីតាមីន B6 ក្នុងបរិមាណ ប្រហាក់ប្រហែលគ្នា។ ជាងនេះទៅទៀត ចេកណាំវ៉ាក៏មាន គុណប្រយោជន៍ ខាងសារធាតុ អាហារពិសេសជាង ចេកប្រភេទផ្សេង ពីព្រោះវាមាន ប្រូតេអ៊ីន មាន អាស៊ីដអាមីណូ អារ៍ជិនីន និង ហ្វីស្ទីឌីន ដែលមានភាពចាំបាច់ ចំពោះការលូតលាស់ របស់ទារក។ ក្រៅពីនេះ ចេកណាំវ៉ា ក៏មានប្រសិទ្ធភាព ខាងផ្នែកឱសថ ទៀតផង ដូចជា ៖

1. ជួយសម្រាល អាការឈឺ-ក : ឬអាការ ឈឺដើមទ្រូង ដោយសារក្អក ដោយទទួលទាន មួយថ្ងៃ ៥-៦ ផ្លែ។
2. កាត់បន្ថយក្លិនមាត់ នៅពេលព្រឹក : ចេកណាំវ៉ាជួយ កាត់បន្ថយក្លិនមាត់ បានល្អ ។ យើងអាចធ្វើបានដោយ ទទួលទានចេកណាំវ៉ា ក្រោយពីភ្ញាក់ ពីដំណេកភ្លាម សឹមទៅដុសធ្មេញ នោះវាអាច ជួយបន្ថយក្លិនមាត់។
3. ធ្វើជាថ្នាំបំបាត់ ទល់លាមក : ឬប្រព័ន្ធបញ្ចេញ កាកសំណល់ ដំណើរការមិនធម្មតា។ សារធាតុផេកទីន (Pectin) ដែលមានក្នុង ចេកណាំវ៉ា នឹងធ្វើជាភ្នាក់ងារបង្កើត ជាតិសរសៃអាហារ ឱ្យទៅពោះវៀន បង្កើតប្រតិកម្ម រហូតទាល់តែធ្វើឱ្យ មាន អារម្មណ៍ចង់បត់ជើងធំ ។ ដូច្នេះវិធីបំបាត់ អាការទល់លាមក គឺត្រូវទទួលទាន ចេកណាំវ៉ាទុំ ១-២ ផ្លែមុនចូលដំណេក រួចផឹកទឹកឱ្យច្រើនៗ នោះវានឹងអាចជួយ ឱ្យបត់ជើងស្រួល នៅព្រឹកស្អែកឡើង។
4. បំបាត់រាករូស : ចេកណាំវ៉ា មានសារធាតុថេននីន យ៉ាងច្រើន ទើបវាអាចជួយព្យាបាល អាការរាករូស ប្រភេទមិនខ្លាំង ដោយប្រើចេកណាំវ៉ាខ្ចី ឬស្រគាល យកមកបកសម្បកចេញ ហាន់ជាចំណិតស្តើងៗ ចាក់ទឹកចូលឱ្យល្មមលិច រួចដាក់ ដាំដោយ ប្រើភ្លើងល្មមៗ ប្រមាណជាកន្លះម៉ោង ផឹកមួយដងពី កន្លះទៅមួយពែង ដោយផឹករៀងរាល់លើក ពេលដែលបត់ជើង។
5. ព្យាបាលរោគក្រពះ : យកចេកណាំវ៉ាមក បកសម្បករួច យកមកហាន់ជាចំណិតស្តើងៗ ដាក់ហាលថ្ងៃពីរថ្ងៃឱ្យស្ងួត បន្ទាប់មកយកមក កិនឱ្យម៉ដ្ឋ ប្រើទទួលទាន មួយដង ១-២ ស្លាបព្រាបាយ ដោយជ្រលក់ទឹកអង្ករ ឬទឹកឃ្មុំទទួលទាន មុនអាហារ កន្លះម៉ោង ឬមុនចូលដេក រៀងរាល់ថ្ងៃ។
6. សម្បកចេកណាំវ៉ា ជួយសម្រាល អាការរមាស់ : ដោយសារសត្វល្អិត ទិចខាំ និង ស្នាមកន្ទួលក្រហម ដោយសារអាការរមាស់។ មិនតែប៉ុណ្ណោះ សាច់ និង សម្បកចេកណាំវ៉ា ក៏មានឥទ្ធិពល ក្នុងការទប់ស្កាត់រោគផ្សិត និង បាក់តេរី ដែលធ្វើឱ្យកើត ខ្ទុះ បានទៀតផង។

Custard Apple (ផ្លែជម្ពូ)

ផ្លែជម្ពូ

ផ្លែជម្ពូ ត្រូវបានគេ ចាត់ទុកថាជា ឪសថធម្មជាតិ អាចការពារប្រឆាំង ជំងឺទឹកនោមផ្អែម ដោយសារវាមាន ប្រសិទ្ធភាព សម្រួលដំណើរការ ក្រពេញទឹកនោម របស់មនុស្សយើង។
សាច់ និងគ្រាប់ របស់ផ្លែឈើមួយនេះ មានផ្ទុកនូវសារធាតុ អាចជួយកាត់បន្ថយ ជាតិស្ករគ្លុយកូស នៅក្នុងសរីរាង្គ។ អ្នកអាចទទួលទាន បានការព្យាបាល បែបធម្មជាតិ ដោយគ្រាន់តែទទួលទាន ផ្លែឈើនេះស្រស់ៗ។ ប៉ុន្តែសម្រាប់នៅ ប្រទេសឥណ្ឌា ក្រៅពីការទទួលទាន ផ្លែស្រស់ គ្រាប់របស់វា ត្រូវបានគេបុកធ្វើជាម្សៅ សម្រាប់កែរោគ ទឹកនោមផ្អែម។ ថ្វីត្បិតតែ អ្នកវិទ្យាសាស្ត្រ បានរកឃើញថា គ្រាប់និងផ្នែកខ្លះ នៃដើមជម្ពូមានផ្ទុក ជាតិពុលតិចតួច ប៉ុន្តែប្រជាជន នៅអាស៊ីជាច្រើន បានចាត់ទុកផ្លែនេះ ថាជាឪសថធម្មជាតិ ការពាររោគខួរក្បាល ថ្លើម និង ជំងឺទឹកនោមផ្អែម។
នៅពេលយើង ត្រូវប្រើភ្នែកសម្លឹងច្រើន វានឹងធ្វើឱ្យភ្នែក របស់យើងរួយ ស្រពន់ និង ងាយចុះខ្សោយ ប្រសិទ្ធភាព។ ដូច្នេះយើងត្រូវធ្វើ យ៉ាងណារក្សាកែវភ្នែក ដើម្បីប្រើការបាន យូរទៅមុខទៀត។ ជម្រើសទីមួយ គឺការទទួល ទានបន្លែពណ៌បៃតង នានា ដែលមានចំណែក ជួយថែរក្សាភ្នែក បានយ៉ាងប្រសើរ ប៉ុន្តែចំពោះអ្នកដែល មិនចូលចិត្តទទួលទាន បន្លែ ក៏អាចទទួលទាន ផ្លែឈើជំនួយភ្នែក បានដែរ ហើយស្វាយត្រូវបាន គេចាត់ទុកថាជា កំពូលផ្លែឈើ ជំនួយភ្នែក ដ៏ល្អបំផុត ជាពិសេសភ្នែក របស់មនុស្សចាស់ ដែលច្រើនតែចុះខ្សោយ ទៅតាមពេលវេលា។
ការពិសាស្វាយ អាចជួយភ្នែកបាន ព្រោះវាសម្បូរទៅដោយវីតាមីន C វីតាមីន E និង បេតាឃែរ៉ូទីនដែលជាភ្នាក់ងារ ទប់ស្កាត់រ៉ាឌីកាល់សេរី ។ សារធាតុទាំងបីមុខនេះនឹងជួយទប់ស្កាត់រ៉ាឌីកាល់សេរី ដែលជាដើមចមធ្វើឱ្យ ភ្នែកចុះខ្សោយ។ ប្រ សិនបើមិនចង់ ទទួលទានស្វាយទេ យើងក៏អាចជ្រើសរើស ទទួលទានផ្លែគីវីវិញ ក៏បានដែរ ពីព្រោះផ្លែគីវីមាន ប៉ូតាស្យូមខ្ពស់ ជួយកាត់បន្ថយ ការប្រឈមការខូចភ្នែក របស់មនុស្សចាស់ ដែលមានអាការលើសឈាម បានដែរ។
ដូច្នេះចំពោះអ្នកណា ដែលមិនអាចចៀសវាងការ នៅមុខកុំព្យូទ័រយូរៗបានទេ ក៏ត្រូវជំនួយភ្នែកដោយបន្លែ និង ផ្លែឈើដែល មានប្រយោជន៍ខាងលើ។

Custard (ផ្លែទៀប)

ផ្លែទៀប

ផ្លែទៀប មានផ្ទុកទៅដោយ ជាតិវិតាមីនសេ ប្រឆាំងនឹងសារ ធាតុប្រឆាំង អុកស៊ីដករ ហើយអាចជួយផ្តល់ ជីវជាតិព្យាបាល កោសិកា ផ្តាច់ខ្លួន ។ វីតាមីន A ដែលមាននៅក្នុង ផ្លែឈើប្រភេទនេះ ល្អសម្រាប់សម្ជស្ស សក់ ភ្នែក និងសុខភាពស្បែក។ ផ្លែទៀប មានជាតិ ម៉ាញ៉េស្យូម ដើរតួយ៉ាងសំខាន់ ធ្វើឲធូរស្បើយដល់ សាច់ដុំ និងការពារបេះដូង ទប់ទល់នឹងជំងឺនានា។ វាជាប្រភពដ៏សម្បូរ បែបសម្រាប់ ជាតិសរសៃ ដែលជួយដល់ ការរំលាយអាហារ ។ ផ្លែទៀប មានផលល្អ ក្នុងការរក្សា តុល្យភាព អាហារ ដោយសារវាមានកម្រិត ជាតិខ្លាញ់ ទាប ។ ចំពោះអ្នកនិយម ឪសថផ្សំ ពីរុក្ខជាតិ ផ្លែទៀបខ្ចី អាចត្រូវបាន យកមកហាល កិនបំបែក និងយកមក ប្រើព្យាបាល ជំងឺរាគមួល ផងដែរ។

Look at the moon

កំណាព្យ =មើលព្រះច័ន្រ្ទា

-ច័ន្ទចរគ្រឿនៗតឿននភា ថាវេនវេលាច័ន្ទយាងមក បំភ្លឺផែនដីសព្វសត្វលោក ឲ្យបានស្បើយសោកដោយរស្មី។
-សាយឆពណ្ណគ្របភ្លឺរលង់ ជាមួយនឹងដួងតារានាយ រលករលេញប្រដេញឆ្ងាយ ធម្មជាតិទាំងឡាយក៏អបអរ។
-ទោះសត្វលោកណារលកដង្គំ រំលត់ចិត្តងំ និរាសចរ ដោយស័ទ្ទបក្សីលោមជាថ្នូរ ស្កាត់បមសៀងសូរប្តូរវិយោគ។
-ស្កល់ស្កប់ហឫទ័យច័ន្ទមានរិទ្ធ ដូចជាមន្តទិព្វថ្នមសត្វលោក អង្វរលួងលោមឲ្យស្បើយសោក ដោយបេះដូងឈ្ងោកមានមេត្តា។
-សត្វលោករស់នៅលើផែនភព ខ្លះគ្របដណ្តប់ដោយឥច្ឆា នាំកើតកង្វល់ក្នុងអាត្មា លោភលន់ស្រវាតាមចំណង់។
-រស្មីស្រទន់មានមេត្រី ឥតមានមោះមៃ អញ្ជលីផ្ចង់ ផ្សាចផ្សាយករុណាដោយតម្រង់ លោមសត្វគ្រប់អង្គពុំជិនណាយ។
-សូមសុខសួស្តីនៅសណ្ឋិត ដល់អស់ជីវិត ផងទាំងឡាយ សូមក្តីឧបាទវ៍ចាកចេញឆ្ងាយ សន្តិ មេត្រី សត្វលោកអើយ។

Ambition likes a torrent never looks back

-អញ លោភអញកើបធ្វើមានបាន ចង់នរណាគ្មានក៏គ្មានទៅ ចង់នរណាឃ្លានគ្មានលំនៅ មិនខ្វល់ នាំសៅហ្មងចិន្តា។
-លោភលន់ ទាល់ស្លាប់ឥតបើគិត ទ្រព្យធនមានឬទ្ធិមហស្ចារ្យ អំណាចក៏មានយសស័ក្តា ទៅណាមកណាគេហែរហម។
-ទៅខ្វល់រឿងឈ្មោះបានការអី បើវាអប្រិយ មិនបង្ខំ សំខាន់ស័ក្តិយសទ្រព្យស្តុកស្តម្ភ ហ៊ឺហាឫកហំសមចិត្តអញ។
-អភិវឌ្ឍន៍ ស្រុកទេស ទ្រព្យអញកើន អាណាព្រហើនមិនព្រមចាញ់ ប៉ែងវា សម្ល៉េះ កាប់ ចាក់បាញ់ ទុកទើសមុខអញជាបន្លា។
-បំណាច់នឹងឈ្មោះអសោចហើយ លោភអញមិនស្បើយ ឱប ស្រវា សន្និពន្ធនឹងធនជាគ្រួសារ រឹងមាំជាមហាគ្រឹះ ត្រកូល។
-ប្រសប់ចាត់ចែងរែងហើយត្រង តម្រែតម្រង់ខ្លឹមបណ្តូល មរតកវិសេសប្រសិទ្ធមូល អមតះត្រកូលរបស់អញ។
-អសុរ លោភោ ត្រួតត្រាចិត្ត ឃ្លានឥតបើគិត បំពោកពេញ មិនស្កប់ មិនស្កល់ ហល់ចម្ងាញ់ ស្លាប់នាំទោម្នេញទៅអបាយ។
-អបល័ក្ខណ៍ ជាក់ធ្លាក់ទៅនរក ជាទីស្មោគគ្រោកភ្លើងអវិចីយ៍ សន្ធោសន្ធៅឆេះរាល់ថ្ងៃ នេះហេតុបុណ្យឆ្ងាយ សាងតែបាប។
-សល់ឈ្មោះអាស្រូវស្អុយរហ៊ុំ ដូចដង្កូវជុំក្លិនស្អុយឆ្អាប នេះមកពីលោភ អកុសលព្រៀប យមបាលមកខាបទារព្រលឹង។
-ទោះធនសម្បូរជួយមិនបាន ទុរាចារយានគ្មានរំពឹង កាលខ្លួននៅរស់មិនគិតប្រឹង សាងល្អ ទុនពឹង ពេលមរណា។

Good temper is like a sunny day , it sheds its brightness everywhere .

-កំទេចពណ៌មាសនៃសុរិយា ចាំងធ្លុះវេហាកាត់ព្រឹក្សព្រៃ ទោះជាទិនករឆ្ងាយផែនដី ក៏ផ្សាចរស្មីពុំជិនណាយ។
-ដូចតារាបថដែលគោចរ ហ្វូងផ្កាយសាទរនឹងរាត្រី សម្ផស្សច័ន្ទចោមលោមហឫទ័យ ព្រិចៗពណ្ណរាយល្អអនេក។
-លួងលោមសត្វលោកដែលប្រចិត្ត ឲ្យឆ្ងាយខ្វល់គិត ជួយរំលែក ឱ ដួងតារាភ្មាសពេញមេឃ អ្នករួមជជែកជាភឿនផៅ។
-សម្រស់ធម្មជាតិពិតមានន័យ បរិសុទ្ធឥតបីល្អពេកកូវ សមរចាត់ឆ្លាក់បន្សល់នៅ ស្រាស់ព័ទ្ធជ្រកនៅក្នុងបេះដូង។
-ហេមះស្រិចៗដូចពេជ្រឆ្នៃ ដល់អស់ផ្កាព្រៃសព្វទាំងពួង អធិមុត្តិមេត្តាមិនរំលង វាយោបមផងនាំសោមនស្ស។
-សូម្បីផ្ទៃមេឃពណ៌ល្អណាស់ ពពកដេរដាសគន់ឥតទាស់ ជាបទពណ៌នាមិនរីងខ្សោះ កវីផ្តងផ្តោះក្បោះក្បាយពេក។
-សុរិយោទ័យរស្មីខ្ចាយ ឧត្បលទាំងឡាយរីកស្គាយប្លែក ទាំងហរិតជាតិឆ្លៀតមកញែក បង្អួតកែវភ្នែកឲ្យស្តាយគន់។
-អភិប្រាយរីករាយឥតឧបមា អរគុណទ្វីប៉ាផ្តល់សោភ័ណ ព្រលឹម រាត្រីនិងសាយ័ណ្ណ ប្រៀបនឹងទឹកមន្តសណ្តំចិត្ត។
-ភួងម្លិះលំអរដល់កេសា ធម្មជាតិនោះណានាំជីវិត ឲ្យសុខរម្យនាសោភាពិត ច្នេះគួររួមគិតថែឲ្យល្អ។

ភាពកត្តញ្ញូចំពោះមាតុភូមិ

កំណាព្យ =ភាពកត្តញ្ញូចំពោះមាតុភូមិ

-អវជាតិបុត្រ អកត្តញ្ញូ មិនដែលគិតគូរតបស្នងលោក ម៉ែឪ មានគុណផ្តល់ម្លប់ជ្រក ទ្រគោះបោះបោកពោលមាក់ងាយ។
-បើសិនស្លាប់ទៅធ្លាក់នរក ព្រោះពាលលាមក នាំអន្តរាយ នឹងរងទុក្ខទោស ក្នុងចរុរាបាយ ព្រោះចិត្តព្រៃផ្សៃកាលខ្លួនរស់។
-ដូចជាមាតុភូមិផ្តល់ក្តីសុខ កំណើតកើតមកគួរស្ម័គ្រស្មោះ បើជាតិលិចលង់ប្រឹងសង្រ្គោះ នោះទើបមានឈ្មោះល្អប្រពៃ។
-រីពលរដ្ឋណាទ្រុស្តចិត្តខ្មៅ ជាតិជាលំនៅផ្តល់រមណីយ៍ បែរក្បត់មាតុភូមិលក់ខ្ទេចខ្ទី មានឈ្មោះពេញទីរាស្រ្តក្បត់ជាតិ។
-ប្រៀបដូចអវជាតិបុត្រ អកត្តញ្ញូក្បត់មានល្បិចស្នៀត ម៉ែឪមានគុណ គួរឆ្លាស់ឆ្លៀត ផ្តល់ផលខ្មីឃ្មាតតបគុណលោក។
-កើតមានជីវិតលើផែនដី គួររៀបចំឆ្នៃ កុសលភោគ គ្រប់ៗជីវិត អវចរឈ្ងោក ច្នេះគិតនឹកភ្នកជ្រកម្លប់ធម៌។
-រីវិភាវីតែងពិចារណ៍ សន្សំសទ្ធា អំពើល្អ នោះទើបវិមោក្ខចាកវឹវរ ដោយចរិយាធម៌ជាពំនឹង។
-អតិជាតិបុត្តពិតវិសេស តបគុណមិនធ្វេសដោយសញ្ជឹង លះបាប អាក្រក់ដោយប្រឹតប្រឹង នោះចិត្តសន្ធឹងផ្សាយមេត្តា។
-ជាពលរដ្ឋល្អក្នុងសង្គម មានការអប់រំធម្មចរិយា ស្រឡាញ់ប្រទេសជាងអាត្មា មិនក្បត់មនសិការ ដើម្បីខ្លួន។
-ច្នេះរាស្រ្តម្នាក់ៗគួរថ្លែងថ្លឹង ជាតិបាត់ព្រលឹង ទុក្ខផ្ទួនៗ គួរនាំគ្នាភ្ញាក់គិតឲ្យមួន ដើម្បីនរជន ខ្មែរជាន់ក្រោយ។

The Cicada (សត្វរៃ)

ចម្រៀង =ស្រណោះរៃយំ

១=សែនស្រណោះរៃយំ លើកំពូលភ្នំ ព្រះជីសូរ សែនស្រណោះ ៗទោចថ្ងូរ អាសូរដែនព្រឹក្ស។
២=សែនស្រណោះរៃយំ រៃផ្លាស់ទ្រនុំ អារម្មណ៍សែននឹក ទីឋានធ្លាប់រមនាល្ងាចព្រឹក អាសូរបេងផ្ចឹក គេដឹកយកទៅ។
៣=សែនស្រណោះរៃយំ ទុក្ខអើយទុក្ខធំ ព្រោះឃ្លាតលំនៅ ធ្លាប់រស់ៗ ក្នុងដងព្រៃជ្រៅ ប៉ុន្តែឥឡូវ ត្រូវមនុស្សពាធា។
៤=សែនស្រណោះរៃយំ ទ្រូងអើយអួលងំចុកណែនក្តៅផ្សា ឃ្លាតជ្រោះជ្រលងដងអូរបព្វតា មិនដឹងថ្ងៃណា បានជួបគ្នាវិញ។
៥=សែនស្រណោះរៃយំ សព្វម្រឹគតូចធំ រណ្តំទោម្នេញ មនុស្សចិត្តខ្មៅ បានមកបរបាញ់ ដើម្បីបំពេញ មហិច្ឆតាខ្លួន។
៦=សែនស្រណោះរៃយំ អណោចអធម អួលងំផ្ទួនៗ និរាសបាត់បង់ឈើធំផ្តេកខ្លួន វិយោគអង្រួន ព្រោះក្តីឈឺចាប់។
៧=រៃសូមដាក់បណ្តាសា ដល់នរជនណាដែលបំផ្លាញកាប់ សូមអស់ទេវតាបរាមុខឆាប់ សូមឲ្យលោកច្បាប់ ឆាប់ដាក់ទោសទ័ណ្ឌ។
៨=រៃខ្ញុំសូមផ្តាំ សូមរាស្រ្តសស្រាំ ថែទាំរួសរាន់ ព្រៃឈើថ្លៃថ្លាអនេកអនន្ត ទាក់ទាញភិរុណ ជួយដល់កសិករ។

Looking at the moon

កំណាព្យ =មើលព្រះច័ន្រ្ទា

-ច័ន្ទចរគ្រឿនៗតឿននភា ថាវេនវេលាច័ន្ទយាងមក បំភ្លឺផែនដីសព្វសត្វលោក ឲ្យបានស្បើយសោកដោយរស្មី។
-សាយឆពណ្ណគ្របភ្លឺរលង់ ជាមួយនឹងដួងតារានាយ រលករលេញប្រដេញឆ្ងាយ ធម្មជាតិទាំងឡាយក៏អបអរ។
-ទោះសត្វលោកណារលកដង្គំ រំលត់ចិត្តងំ និរាសចរ ដោយស័ទ្ទបក្សីលោមជាថ្នូរ ស្កាត់បមសៀងសូរប្តូរវិយោគ។
-ស្កល់ស្កប់ហឫទ័យច័ន្ទមានរិទ្ធ ដូចជាមន្តទិព្វថ្នមសត្វលោក អង្វរលួងលោមឲ្យស្បើយសោក ដោយបេះដូងឈ្ងោកមានមេត្តា។
-សត្វលោករស់នៅលើផែនភព ខ្លះគ្របដណ្តប់ដោយឥច្ឆា នាំកើតកង្វល់ក្នុងអាត្មា លោភលន់ស្រវាតាមចំណង់។
-រស្មីស្រទន់មានមេត្រី ឥតមានមោះមៃ អញ្ជលីផ្ចង់ ផ្សាចផ្សាយករុណាដោយតម្រង់ លោមសត្វគ្រប់អង្គពុំជិនណាយ។
-សូមសុខសួស្តីនៅសណ្ឋិត ដល់អស់ជីវិត ផងទាំងឡាយ សូមក្តីឧបាទវ៍ចាកចេញឆ្ងាយ សន្តិ មេត្រី សត្វលោកអើយ។

Acid war

កំណាព្យ: សង្គ្រាមនិងទឹកក្រុដ

-ស្នេហាត្រីកោណពូនចិត្តឆន្ទា រោលរាលមោហាកើនជាទោសះ ភ្នំភ្លើងស្នេហាឆេះងំឥតអាក់ បង្ករឲ្យខ្វាក់ប្រព្រឹត្តអបាយ។
-ស្នេហ៍និរាសបង់លង់ក្នុងមហាសមុទ្រ ដោយសារទឹកក្រុដដុតឲ្យក្រហាយ ស្នេហ៍ស្មានថាគាប់ប្រែជាអន្តរាយ នឹកគួរឲ្យស្តាយតែហួសអស់ហើយ។
-លោមពណ៌នៃផ្កាទាក់ចិត្តភូមិរា ឲ្យលង់ចិន្តាប្រាថ្នាផ្កាអើយ ទំពក់នៃប្រាក់ជំពាក់ចិត្តហើយ ស្នេហ៍មិនដល់ត្រើយ ស្នេហ៍ប្រែឈឺចាប់។
-បំភាន់ចិត្តក្តៅ ឲ្យដើរផ្លូវខុស នាងអើយចាំចុះ ត្រូវខន្តីជាប់ សង្រ្គាមអាស៊ីដមិនគួររករាប់ កើននូវភាពស្អប់ ឫទ្ធធំមហិមា។
-កើតជាមនុស្សគួរចេះរិះគិត ទើបញ៉ាំងជីវិតឲ្យផុតវេរា ខំសាងចិត្តបុណ្យរម្ងាប់នូវពៀរ ត្រិះរិះមាគ៌ានៃរតន្នត្រ័យ។
-ស្រឡាញ់បំផុតដុតរោលឲ្យក្តៅ គួររំលត់ទៅបាបកម្មចង្រៃ កុំប្រព្រឹត្តឡើយអំពើព្រៃផ្សៃ អ្នកឈ្នះក្នុងក្តី រងទុក្ខអ្នកផ្សេង។
-គួរចាត់ជាសារប្រាថ្នាសន្តិ លះបង់អរិ នាំផុងវង្វេង ទោសះ ក្តីក្តាំក្រញ៉ាំល្បិចល្បែង ជាធ្នាក់ខ្លួនឯងគេចមិនរួចឡើយ។
-លក្ខិណានារី ដោយចិត្តជាបុណ្យ មិនមូទូជន រួសរាយឆ្លងឆ្លើយ ថែបុត្រធីតា ឲ្យបានដល់ត្រើយ វេនវេលាឆ្លើយប្រៀបដូចលក្ស្មី។
-កុំអុជអាលចិត្តដូចពាយុគុល្ម ងងឹតងងល់បំពានញាំញី ស្វាមីបែកឆ្វេងគួរគិតសំភី បំពេញនាទីជាភរិយាល្អ។
-ដណ្តើមប្រជែងខែងរ៉ែងខាងឈ្លោះ នាំរិតទោមនស្សនាំល្អក់កករ ទឹកអម្រឹតម្តេច ពាក្យពេចន៍នៃធម៌ ត្រួសត្រាយដោយពណ៌ស្មោះនៃបេះដូង។

The Poet and his poem, poetry

កំណាព្យ = កវីនិងកាព្យ

-ឃ្លោងឃ្លាកំណាព្យ កវីព្រោះសាប ដោយសារមនោរម្មណ៍ អណ្តែតអណ្តូង សំណេររៀបចំ គតិឧត្តម ផ្សែផ្សំអត្ថរស។
-បេះដូងកវី ដួចចិត្តមមៃ អារម្មណ៍គិតឆ្ពោះ ក្លែបល្បោយវោហា ប្រាថ្នាសោមនស្ស លោមមិត្តទាំងអស់ ឲ្យស្បើយកង្វល់។

-បំភ្លៃពាក្យពេចន៍ ណែងណងក្រងល្បិច អានឈ្លេចឲ្យឆ្ងល់ បង្កប់សំនួន សួនកាព្យនិមល ទ័យាសុខសល់ ដោយពាក្យលួងលោម។
-ប្រៀបដូចតន្រ្តី បំពេររីករាយ ដល់អ្នកស្តាប់ព្រម ខ្លុយទ្រតាខេ សូរសៀងហាក់ថ្នម ត្អូញត្អែរប្រលោម ឲ្យដួចស្រម័យ។
-កំណាព្យច្នោះដែរ សីល្បសាស្រ្តបំពេរ ទង្គឹះដួងចៃ អារម្មណ៍បានក្សាន្ត សុខសល់ពេកក្រៃ នាំចិត្តទៅឆ្ងាយ តាមឃ្លោងឃ្លាកាព្យ។
-ពុធជនខេមរា សម្បូរកាព្យា ពូកែរៀបរាប់ ចងក្រងនិទាន រឿងព្រេងចង់ស្តាប់ បុរាណសាស័ព្ទ ច្បាប់ច្រើនអនេក។
-អាយៃចាប៉ី សិល្បះកាព្យក្រី ទស្សនាគាប់ភ្នៃក មានល្ខោនបាសាក់ មោទនះល្អឯក យីកេក៏ប្លែក ដំណែលដូនតា។
-អរគុណកវី ខេមរាលកលៃ ចាត់ចែងចំណារ ទុកឲ្យខ្មែរក្រោយ បន្តររក្សា កំណាព្យតម្រា សិល្បះផូផង់។

Counted one's chicken before they're hatch.

-ការអ្វីមុនធ្វើត្រូវពិចារណ៍ មិនបង់អសារខូចប្រយោជន៍ ត្រូវគិតមុនគូរឲ្យល្អិតល្អោច មិនខុសខាតហោចខាតទទេរ។
-ខ្លះគិតឆុងៗដូចសាវជៃ កញ្ជើរធ្លុះធ្លាយ មិនខ្វល់ថែ យកហេះដូរហោះខ្សោះឥតល្ហែ យីកយាកហូរហែររហោកធ្លុះ។
-បុរាណលោកពោលត្រូវព្យាយាម គិតស្រេចទើបឈាន មិនសូវខុស ខន្តី អត់ធ្មត់ ការងារឆ្ពោះ ជោគជ័យទំលុះឈានរុងរឿង។
-កើតជាមនុស្សគ្រប់ជីវិត ខ្លះជួបភ័ព្វពិតរស់ថ្កុំថ្កើង ខ្លះរស់ក្នុងក្រ ខ្វល់គ្រប់រឿង ចូរខំប្រឹងឡើង ទល់ឧបស័គ្គ។
-កាប់ឆ្ការបន្លាផ្លូវជីវិត តស៊ូរឹងរិត ដោយចិត្តស្ម័គ្ម នោះមុខជាជួបល្អអន័គ្ឃ ដោយបេះដូងអ្នកហ៊ានពុះពារ។
-ដុសខាត់ចរិយាឲ្យប្រពៃ រាប់រកមេត្រីញាតិផងគ្នា កុំឆ្មើងហួសបុណ្យភ្លេចវន្ទា ឃើញចាស់ព្រឹទ្ធា ចាត់ស្មើខ្លួន។
-អនុភាពឥរិយាដោយធម្មា នាំបានសុខា មង្គលពូន មាត់មនុស្សនាំសុខ ភាពមាំមួន ច្នេះឫកទន់ភ្លន់ញាតិចូលចិត្ត។
-កុំស្រម័យខ្ពស់ដូចតារា កុំលោភ ហ័ត្ថាឈោង មិនជិត ការអ្វីសម្រេចព្រោះគំនិត ច្នេះប្រឹងរិះគិតតាមលទ្ធភាព។
-ខ្លះបណ្តោយលោភចង់ហួសហេតុ ចង់ធ្វើនរទេព ធំហួសមាឌ ប្រាថ្នាគិតអ្វីកុំហួសខ្នាត វាស់ឲ្យប្រិតប្រៀបសោះវាខ្ចាយ។

Siem Reap (Angkor Wat): Kravan

1/7/12

កំណាព្យ =ក្រវ៉ាន់សៀមរាប

-ក្រវ៉ាន់សៀមរាបស្ទាបហឫទ័យ ឲ្យនឹកមមៃដល់នួនល្អង បានជួបនិមលត្រឹមតែម្តង ចិន្តារៀមប៉ងជាគូរគាប់។
-រៀមអ្នកទេសចរនៅភ្នំពេញ គួចចិត្តស្រឡាញ់ កែវសំណប់ អូនល្អម្លឹងៗមេត្រីរាប់ បើសិនបានភ្ជាប់ ជាគូរស្នេហ៍។
-ម្ល៉េះសមអំណរពន់ប្រមាណ ព្រោះកែវកល្យាណធីតាខ្មែរ សុភាពរាបសាររួសរាយទ្វេរ ចង់ប្រលោមថែផ្កាក្រវ៉ាន់។
-សំដីពិរោះដូចសារិកា ឯវង្យភ័ក្រ្តាមូលដូចច័ន្ទ ល្អអើយសែនល្អរៀមភាំងភាន់ ចង់ប្រាប់តូចតន់ថាខ្ញុំនឹក។
-ភ្នំពេញ សៀមរាបមិនឆ្ងាយគ្នា ក្តីប៉ងប្រាថ្នាឆ្ងាយពន្លឹក ធ្វើម្តេចនាងដឹងថាបងនឹក បេះដូងខ្សួលខ្សឹករាល់រាត្រី។
-សូមផ្តាំតាមខ្យល់ជួយប្រាប់ឆោម ពពកជួយនាំនូវពាក្យស្តី ច័ន្ទអើយដួងច័ន្ទ ដឹងឬអ្វី? ថាខ្ញុំស្នេហ៍ស្រីប៉ុផែនមេឃ។
-សូមច័ន្ទចរចារប្រាប់នាងផង វេលានេះម្តងចង់ជជែក បើមិនបានជួបទ្រូងនឹងបែក ស្រពោនប្រេះបែកឥឡូវហើយ។
-បានត្រឹមលួចគន់ពីចម្ងាយ បានត្រឹមនឹកស្តាយខានឆ្លងឆ្លើយ សូមទេព្តាជួយជួបត្រាណត្រើយ ជាគូរគាប់អើយលុះអវសាន។

Farmer's life

3/7/12

កំណាព្យ =ជីវិត ជាកសិករ

-មើលគុម្ពសន្ទូងខៀវស្រងាត់ សូរសៀងរហាត់ទឹកចូលស្រែ ប្រឡាយទឹកថ្លាហូរផងដែរ សន្ទូងដុះក្បែរម្អមក្លិនឈ្ងប់។
-មើលទ្រូមានជាប់ផ្ទក់អណ្តែង កសិករចាត់ចែងដោយប្រសប់ មានអាំង ស្លរម្ជូរ ប្រហុកកប់ ស្វាយខ្ចី ត្រីផ្ទាប់ឆ្ងាញ់អស្ចារ្យ។
-ជីវិតអ្នកស្រែ មិនព្រួយភ័យ ជីវិតមានន័យ រស់សុខា ចិត្តមិនលោភលន់កេងស្រវា រស់តាមសម្មា ជីវោខ្លួន។
-វស្សាមកដល់ខ្វល់សាបព្រោះ កត្តិកវិញនោះ ខំរួសរាន់ ច្រូតកាត់បោកបែនដឹកជញ្ជូន ដាក់ជង្រុនពូនផលចាក់ធារ។
-រួចស្រូវរួចស្រែខំឡើងត្នោត បានស្កររាប់បោ៉ត លក់ឯផ្សារ ចិញ្ចឹមមាន់ទា ក្បែរគេហា ដំណាំផងណាគ្រាន់ស្លរស្លុក។
-មិនខ្វល់ភ្លើតភ្លើនស៊ីវីល័យ អួតគ្នាឡានថ្មី វីឡាស្តុក ទោះរស់ក្នុងខ្ទមល្មមផ្តល់សុខ ចំណីចំណុកមិនខ្វះឆី។
-ជីវិតស្ងប់សុខរស់សុខដុម កូនចៅជួបជុំ ដោយរីករាយ ធម្មជាតិបំព្រង រីកស្គុសស្គាយ ហ្វូងសត្វមិនណាយហើរឆ្វែលឆ្វាត់។
-អ្នកភូមិ នៃខ្ញុំចេះជួយគ្នា រួបរួមសាមគ្គាជាផៅញាតិ រស់ដោយសន្តី ភាតរភាព ក្នុងភូមិល្អស្អាតអនាម័យ។

Electricity of Cambodia

5/7/12

បើសិនភ្លើងអគ្គិសនីឡើងថ្លៃមែន .....

-ដល់ថ្ងៃបង់ភ្លើងសែនព្រួយចិត្ត មុខស្អុយ ព្រោះពិតចង់ដាច់ខ្យល់ បើសិនភ្លើងឡើង ទាល់សែនទាល់ រាស្រ្តក្រ ហេតុផល អ្វីទៅហ្ន? -ថ្លៃភ្លើង ថ្លៃម្ហូប ថ្លៃកូនរៀន បើសិនអ្នកមាន មិនខ្ចីថ្ងូរ តែពិតជាយ៉ាប់ម៉ែឪក្រ ត្រដេរត្រដរអង្វរមេឃ។ -ស្រុកអីខុសគេ គ្មានមេត្តា រាស្រ្តក្រវេទនាពួនយំយែក សង្កត់ឲ្យស្លាប់ កុំចាំស្អែក រស់ប្រេះទ្រូងបែក រស់ធ្វើអ្វី?

Nature Voice

កំណាព្យ = ........

-សម្ផស្សរុក្ខជាតិធ្លាប់ល្អស្រស់ ឥឡូវព្រឹក្សព្រៃកាប់ស្ទើរអស់ ដីប្រេះក្រហែងស្ងួតក្រៀមក្រោះ ជីវិតរស់នៅហត់ហេវខ្សោះ។ -សង្ឃឹមលើច្បាប់ដូចមេឃខ្ពស់ យុត្តិធម៌ពេលស្តាប់សែនពិរោះ អ្នកក្រប្តឹងប្តល់តែងរងគ្រោះ ចាញ់លោកដុល្លាតែងសាបព្រោះ។ -បង្គោលព្រំដែនចេះរង្គោះ មហិច្ឆតាលោភលន់បុណ្យស័ក្ខិយស មនុស្សខ្លះអាងខ្នងស្តីអសុរស ទ្រព្យធនអំណាចតោងលោតផ្លោះ។ -ខ្លះផ្អែមមាត់ក្រៅក្នុងទុរយស សាហាវខ្លាំងណាស់ដូចសត្វពស់ ជីវិតក្នុងសោក ចាំសង្រ្គោះ តវ៉ាខ្លាំងក្លាត្រូវជាប់ខ្នោះ។ -ពុករលួយខ្លាំង ជាតិហិនខ្សោះ សម្បត្តិធនធានត្រូវរលស់ រាស្រ្តរស់ទុគតឃ្លានផ្សាពោះ ចូលព្រៃបោចវល្ល៍គេចងបោះ។ -មច្ឆាក្នុងទឹកភ័យទោមនស្ស សំណាញ់អួនថ្នងបង់គ្មានលោះ ម្រឹគីម្រឹគាសុំតែរស់ ម្តេចព្រានឫស្យាប្រល័យអស់? -នឹកគ្រាថ្កុំថ្កើងរែងស្រណោះ ប្រទេសធ្លាប់ល្បីល្អឥតខ្ចោះ ចមក្សត្រទសពិធចិត្តសន្តោស រាស្រ្តរស់សុខសាន្តឥតមៃមោះ។ -ខ្មែរគួររួបរួមជួយរំដោះ សាមគ្គីចិត្តមួយជួយជាតិរស់ ដេញខ្មាំងឈ្លានពានឲ្យខ្ចាយអស់ ដោយវិរភាព និងបេះដូងស្មោះ។

What is you skill?

កំណាព្យ =ជំនាញខ្ញុំ......

-ជំនាញខ្ញុំប៉ិនខាងដូរដោះ ផ្លាកឡានសេះហោះអត់បង់ពន្ធ ចេះអែបចៅហ្វាយរឿងផ្គាប់ផ្គុន បញ្ជោរក្រាបលូនចេះទាំងអស់។ -ចេះគោះ ខ្សិបខ្សៀវលុយក្រោមតុ ប៉ិនដាក់យកមុខ ល្អឥតទាស់ នរណាប្រឆាំង ខ្លោចទាំងរស់ នរណាចិត្តស្មោះ បក្យពួកយើង។ -ជំនាញរឿងពុក ......លក់ឈើព្រៃ ប្រវញ្ញបានដី គាស់រំលើង ហ៊ានកាប់ហ៊ានចាក់ អុជជាភ្លើង នរណាចចើង ហ៊ានតតាំង។ -ចង់ស ជាខ្មៅខ្ញុំធ្វើបាន ឃោរឃៅចំណាន អំណាចខ្លាំង នរណាហ៊ានសាកចង់ប្រណាំង អារឿងធ្លាប់ច្បាំង ចេះស្ទាត់ណាស់។ -ស្រុកខ្មែរ ស្រុកខ្ញុំកុំចង់ ល ធ្វើភ្លៀងធ្វើផ្គរ ខ្យល់រន្ទះ រឿងឈ្លោះខ្ញុំខែងកុំចង់ឈ្នះ ឯច្បាប់ ក្រឡាស់ស្រេចលើខ្ញុំ។ -ជំនាញស្ទាត់ស្តាស់ផ្លូវលោកីយ៍ ប៉ុន្តែដល់ថ្ងៃអាសន្នធំ មច្ចុគម្រាម ខ្ញុំពួនយំ ខុសជំនាញខ្ញុំ មិនហ៊ាន ត ......!

Happy with the rain

7/7/12

កំណាព្យ =រីករាយជាមួយតំណក់ភ្លៀង

-រាប់លានតំណក់ ឮសូរក្លិកក្លក់ ស្រក់ចាកមេឃា អង្គុយម្នាក់ឯង ក្នុងខ្ទមជរា ញ័រញាក់រងា ឯងឯកាកាយ។ -តែឃើញរុក្ខជាតិ សន្ទូងខ្មីឃ្មាត រីកស្រស់ត្រសាយ សម្លេងទឹកហូរ នៅក្នុងប្រឡាយ ក្មេងៗប្រញាយ លប្រណាំងគ្នា។ -ខ្លះរាវក្តាមខ្យង ស្រែកហ៊ោអឺងកង កញ្ជ្រៀវខ្ញៀវខ្ញា ធ្វើឲ្យខ្ញុំនឹក កាលវ័យកុមារ សប្បាយម្ល៉េះណា រត់ក្រោមទឹកភ្លៀង។ -ពេលភ្លៀងម្តងៗ កង្កែបហ៊ីងហង ឆ្លើយឆ្លងទាត់ទៀង ននោងលាស់ត្រួយ បោះពួយអួតរាង រីឯស្លឹកល្ងៀង ឈ្មៀងនេត្រគយគន់។ -ពោះកូរសញ្ញា នឹកឃ្លានអាហារ ប្រញាប់រួសរាន់ បាយកកប្រហុក ម្ហូបឆ្ងាញ់មិនអន់ ដណ្តើមគ្នាលាន់ កាយញាត់ៗ។ -ឯក្មេងនៅស្រែ មិនសូវទំនេរ ច្រើនតែនឿយហត់ ឃ្វាលគោក្របី រំពៃប្រយ័ត្ន ក្រែងលោវាបាត់ ខានជួយភ្ជួរពុក។ -ចងគោ វាលស្មៅ មិនឈប់ស្ងៀមនៅ រកអ្វីស្លរស្លុក ជួនបានទំពាំង ជួនបាចនៅថ្លុក បានត្រីដាក់ទុក គ្រាន់នឹងផ្ញើរម៉ែ។ -ជួនបានក្តាមខ្យង រីករាយកន្លង ផ្សែផ្សំម្អមស្រែ បានទាំងក្រសាំង ក្តិបអំពិលដែរ កំពឹសអបក្បែរ បុកឆ្ងាញ់ពិសារ។ -ភ្លៀងធ្លាក់ខ្ជោកខ្ជាំ ល្អផលដំណាំ ដាំក្នុងចម្ការ ននោងត្រសក់ ត្រឡាចចេញផ្កា រីល្ពៅខំវារ ឯបនឹងឱឡឹក។

River Love

8/7/12

កំណាព្យ =ស្ទឹងស្នេហ៍ប្រែចិត្ត

• សម្បថមាត់ស្ទឹងទ្រឹងចងចាំ បក្សីច្រៀងផ្តាំរាល់សន្ធិយា ផ្កាត្របែកព្រៃសួរអូនថា តើដល់ពេលណាអ្នកវិលវៃ។
• ដងស្ទឹងប្រែល្អក់ព្រោះខកចិត្ត នឹកសែនអាណិតឆោមពិសី អង្គុយចាំផ្លូវរៀងរាល់ថ្ងៃ ចាំស្ងាត់បាត់ថ្លៃអ្នកទៅណា?
• រលីងរលោងស្ទើរស្រែកយំ សម្បថស្នេហ៍មុំប្រែអសា ម្តេចរេក្រឡះក្បត់សន្យា ឱ ស្ទឹងស្នេហា ស្ងាត់ស្ងៀមឈឹង។
• សម្តីព្រោកប្រាជ្ញប្រែឥតន័យ ច័ន្ទបាត់រស្មី គ្មានពំនឹង ស្រពាប់ស្រពោនគ្មានព្រលឹង លែងយល់លែងដឹង ចិត្តវង្វេង។
• ខឹងចិត្តខ្លួនឯងម្តេចនៅនឹក? ចាំរាល់ល្ងាចព្រឹកទ្រូងចំបែង ស្នេហ៍និរាសបាត់ដូចជាផ្សែង ខកចិត្តគិតឈ្វេង រែងវិយោគ។
• គួររាងចាលហើយក្តីស្នេហ៍ក្បត់ ពាក្យផ្អែមប្រែចត់ ចិត្តសោយសោក ស្នេហ៍អស់តម្លៃ សល់ពាក្យបោក ដួងចិត្តវិប្បយោគ រស់គ្រាំគ្រា។
• ព្រលិតរំចង់ ស្រីធ្លាប់ដក ស្រូវស្រែបែរស្កក ជាមួយគ្នា បេះដូងខ្ទាំខ្ទេច ក្តិចឈឺផ្សា សល់ទឹកនេត្រាសម្រាប់យំ។
• ផ្តាច់និស្ស័យស្នេហ៍ត្រឹមប៉ុណ្ណឹង ភ្លេចហើយពាក្យចាំ ភ្លេចទ្រនុំ នឹកឃើញពាក្យម្តាយធ្លាប់អប់រំ ចចើងចិត្តធំនាំទឹកភ្នែក។
• កូនខុសហើយម៉ែ ភ្លេចបណ្តាំ ស្នេហ៍ចិត្តប្រេះស្រាំពេលឃ្លាតបែក ទម្រាំតែដឹងខ្សោះទឹកភ្នែក ស្នេហ៍កម្មមកជ្រែកឲ្យឃ្លាតឃ្លា។

Khmer Rouge: Children Song

ចម្រៀង=កុមារបដិវត្ត

• ១.សុរិយាបដិវត្តក្រហមឆ្អិនឆ្អៅ ចាំងចែងសន្ធៅ ឭ្ធដ៏នភាល័យ ស្រោចស្រពពសុធានៃកម្ពុជាថ្មី ភ្លឺផ្លេកពណ្ណរាយ រុងរឿងអស្ចារ្យ។
• ២.យើងខ្ញុំកុមារ មានសុភមង្គល សុខដុមពេកសល់ រស់នៅថ្លៃថ្លា ក្រោមការគ្រប់គ្រង អង្គការមហិមា បដិវត្តន៍កម្ពុជា ភ្លឺស្វាងបំផុត។
• ៣-យើងបោសសំអាតអនាម័យរួម ធ្វើការក្នុងភូមិ ប្រយុទ្ធខ្លាំងក្លា ខំកសាងខ្លួននៅក្នុងចលនា ដើម្បីធានា អនាគតបដិវត្តន៍។

When a bribe enters the door , laws get out at the chimney

យុត្តិធម៌

-យុត្តិធម៌ស្តាប់ទៅសែនពិរោះ បញ្ជាក់ភាពស្មោះល្អឥតបី តែមនុស្សចិត្តខ្មៅមកបំភ្លៃ យុត្តិធម៌ឆ្ងាយក្រៃដូចមេឃខ្ពស់។
-សង្គមឥឡូវស្រេចលោកប្រាក់ យុត្តិធម៌ត្រូវទាក់ធ្នាក់ទុរយស ប្រជារងទុក្ខជាប់ឃ្នាងខ្នោះ អយុត្តិធម៌សាបព្រោះដោយជនពាល។ -ចង់បានសង្គមល្អផូរផង់ យុត្តិធម៌ល្អទ្រង់ វង្សត្រកាល រាស្រ្តមានសេរី រស្មីច្រាល ដោយយុត្តិធម៌ក្រាលស្មើភាពគ្នា។
-សង្ឃឹមថ្ងៃមួយយុត្តិធម៌ប្រែ មាំមួនមិនរេ ឫទ្ធិមហិមា ជាទីកក់ក្តៅដល់ប្រជា មិនបម្រើមហិច្ឆតាជនទុច្ចរិត។
-ព្រោះច្បាប់ឥឡូវយ៉ាកហួសហេតុ លោកប្រាក់ព្រោះផែត ឃ្លាតការពិត ខ្មៅប្តូរជា ស ស្រេចតែចិត្ត រាស្រ្តរងវិប្បរិត អយុត្តិធម៌។ -បើសិនជាច្បាប់មានប្រសិទ្ធភាព ច្បាប់ជាយន្តឃ្នាបល្អបវរ សង្គមរៀបរយល្អសែនល្អ យុត្តិធម៌ផ្តល់ពណ៌ ចិញ្ចែងអើយ។

The Caraway

10/7/12

កំណាព្យ =ម្អមស្រែប្រែក្លិន

-រសម្អមធ្លាប់ឈ្ងុយលោមនាសា ឱ កែវធីតាគាប់ហឫទ័យ នឹកគ្រាដកស្ទូងហាក់ថ្មីៗ រៀមជួយភ្ជួរដី ឲ្យនាងស្ទូង។
-ប្អូនទៅធ្វើការនៅរោងចក្រ ឃ្លាតខានជួបភ័ក្រ្តចិត្តស្រយ៉ង់ តែនាងសន្យា ស្នេហ៍ស្មោះត្រង់ ទោះបីនួនល្អងឃ្លាតឆ្ងាយក្តី។
-សច្ចាធិដ្ឋានស្នេហ៍លុះសូន្យ ស្មោះភក្តីស្ងួនឥតពីរបី រៀមអរកន្លងបានជួបស្រី តែងនឹកស្រម័យថ្ងៃមង្គល។
-ស្រាប់តែខែមុននាងមកផ្ទះ ចិត្តនាងប្តូរផ្លាស់ភ្លេចសូន្យសល់ ឡានទំនើបថ្មីជូននាងដល់ រៀមរែងពិភាល់ឆ្ងល់កន្លង។
-កម្លោះអភិជនជាគូរគាប់ ស្រីភ្លេចលែងរាប់ លែងចាំបង ម្អមស្រែប្រែក្លិន ភ្លេចស្រែផង ភ្លេចទាំងកម្រងអនុស្សា។
-រៀមសែនចុកចាប់ឥតពាក្យស្តី សម្បថគ្មានន័យ ឆ្ងាយសន្យា ភ្លេចខ្ទមចាំស្រែ ណាត់ជួបគ្នា ម្អមស្រីសាវ៉ា ភ្លេចក្តាមខ្យង។
-ស្នេហ៍រៀមរង្គោះព្រោះចិត្តក្បត់ សល់ពាក្យជូរចត់ សម្រាប់បង ស្លឹកល្ងៀងលាស់ត្រួយចាំនួនល្អង ម្អមស្រែលែងប៉ងជួបល្ងៀងហើយ។
-ឱ រន្ទះផ្គរជាសាក្សី ម្អមស្មាលាដីស្រែ លែងឆ្លើយ ក្តាមខ្យង ឈប់សួរ គ្មានចម្លើយ ម្អម ធ្វើព្រងើយ លែងនឹកនា។
-ស្រីឈ្លក់ទឹកម៉ាស៊ីនភ្លេចទឹកស្ទឹង ភ្លេចខ្ទមឈរឆ្កឹង ស្នេហ៍វីឡា ភ្លេចរទេះគោ ស្រែចម្ការ ឡានថ្មីហ៊ឺហា ថ្ពក់ចិត្តអូន។

កំណាព្យ =ផ្តាច់ការ ...::

-ផ្តាច់ការ ផ្តាច់កោះអស់របស់ខ្មែរ រាស្រ្តក្រុងរាស្ត្រស្រែព្រួយសែនព្រួយ ដោះដូរ ដូរដោះ ផ្លោះបោះពួយ សង្គមលើកស្ទួយ អ្នកមានខ្សែ។
-ខ្ញុំមានខ្សែដែរ ខ្សែអ្នកក្រ ត្រកូលស្មោះសរ សុទ្ធឈាមខ្មែរ ឥឡូវឯបកៀន មិនហ៊ានក្បែរ ខ្មៅសុទ្ធអ្នកស្រែពីដូនតា។
-ខ្មែរខ្ញុំត្បិតក្រ មិនក្បត់ជាតិ ឧត្តមគតិមិនឃ្លាត ជាតិខេមរា នាមាថ្លៃឆ្នើម ស៊ូការពារ ដែនព្រំសីមាមិនរាថយ។
-មិនឈ្លក់វង្វេងល្មោភបុណ្យស័ក្តិ ដែលជាអន្ទាក់លំអុតឲ្យ អស់ដីអស់ព្រៃ បង់គិតធ្លោយ សម្លេងដង្ហោយជាតិ ដាស់ខ្មែរ។
-បើខ្មែរមិនរួមជាតិនឹងបង់ ចូរគិតតម្រង់សង្រ្គោះថែ ប្រយោជន៍ជាតិធំគួរគិតគ្នេរ សាមគ្គី កូនខ្មែរ ទើបជាតិរស់។

The Rain

កំណាព្យ =ភ្លៀងធ្លាក់ខ្ជោកខ្ជាំ...

-ផ្គរលាន់គ្រឹមៗគ្រហឹមប្រាប់ រន្ទះសាស័ព្ទប្រាប់ផែនដី ភ្លៀងធ្លាក់ខ្ជោកខ្ជាំ សន្ទូងខ្ចី ទឹកព្រៀបប្រឡាយ ហូរឈូឆរ។
-អ្នកក្រុងលូស្ទះទឹកជន់លិច មិនដឹងធ្វើម៉េច រកពុទ្ធោ លប់បឹងកក់មួយ ក្រុងថ្ងួចថ្ងូរ ទឹកហូរជន់ជោរវាលល្ហាចល្ហឹម។
-សម័យឥឡូវអភិវឌ្ឍន៍ប្លែក លប់បឹងលប់ព្រែក លប់សង្ឃឹម អ្នកក្រដេកព្រួយ លប់ញញឹម សង្គមល្អត្រឹម រាស្រ្តយំយែក។
-បើភ្លៀងជន់ខ្លាំងលិចស្រែស្រូវ រាស្រ្តក្រហ្មងសៅទ្រូងស្ទើរបែក បាត់ព្រៃបាត់ឆោម និរាសខ្ញែក ទលិទ្ធភាពជ្រែក ទុក្ខប៉ុនភ្នំ។
-សម័យតេជះ ក្រាស់ខាងលក់ លក់ខ្ទេចវីវក់ ឈ្លក់បុណ្យធំ រូបយើងបានសើចឯងបានយំ រូបយើងបានហំឯងបានហីន។
-យាយី យូរយា រលាយខ្ទេច ហីនហោចរោចលិច បំផ្លាញប៉ិន រាស្រ្តយំល្ហែបៗ ព្រួយមកកិន ទុរគត នៅក្រិន មិនព្រមឃ្លាត។
-ពីដើមសម្បូរសប្បាយណាស់ រាស្រ្តមានមិនខ្វះដំណាំព្រាត ឥឡូវយ៉ាប់យ៉ឺនទ្រូងចង្អៀត គិតហើយគិតទៀត គិតយ៉ាងណា?

The Moon and the Sun

12/7/12

កំណាព្យ =ច័ន្ទផ្លាស់សុរិយា

-ដួងព្រះទិនករបររាជរថ ហៀបអស្តង្គតរស្មីសែង្យ ច័ន្ទចរគ្រឿនៗមកកន្លែង ចោលឆពណ្ឌចែងបំភ្លឺលោក។
-សត្វប្រញាប់ខ្មីរកទ្រនុំ ក្រោយពេលភ្លៀងធំខ្យល់បក់បោក ខ្ទមស្លឹកទ្រុឌទ្រោមធ្លុះរហោក ទីទុយមៀមក្រោកចាកដំណេក។
-សន្សើមក៏ធ្លាក់លោមរាត្រី ច័ន្ទល្អឥតបី ចាំងពេញមេឃ តារាហែហមច្រើនអនេក ពពកដាសដេកលើមេឃខ្ពស់។
-បុប្ផាក្រពុំចោលក្លិនសាយ ថែថើបមិនណាយក្រអូបម្ល៉ោះ កន្លង់ហើរឆ្វែលចិត្តអាឡោះ មិនទៅណាសោះប៉ងក្រេបផ្កា។
-ច័ន្ទអើយ រស្មីសែនស្រទន់ ល្អអើយល្អគន់គាប់នេត្រា សម្ផស្សធម្មជាតិល្អដល់ម្ល៉ា ញ៉ាំងឲ្យកាមាប្រលោមភ្លឹក។
-សោភ័ណនាពេលរាត្រីស្ងាត់ កង្កែបហុីងក្អាត់ច្រើនសន្ធឹក ច្រៀងឆ្លើយឆ្លងគ្នាលាន់រអឹក រីករាយនឹងទឹកភ្លៀងពេញស្រែ។
-សន្ទូងយោលយោគរេតាមខ្យល់ កើនក្តីសុខសល់ អ្វីម្ល៉េះទេ ម្អមចោលក្លិនឈ្ងប់ពេញវាលស្រែ លួងលោមអ្នកម៉ែឲ្យបេះស្លរ។
-ដួងខែ រះអើតខ្នើតរាត្រី សន្ទូងខៀវខ្ចីចាំងឆ្លុះពណ៌ វិចិត្រករបានយល់ម្ល៉េះអំណរ គូររចនាល្អទស្សនីយភាព។
-មើលច័ន្ទ បណ្តែតមនោសញ្ចេតនា រៀបរាប់ឃ្លោងឃ្លា...........

Drink or not drink?

កំណាព្យ =វាចាអ្នកតឹងវ៉ឹង

-ផឹកស៊ីជារឿងល្អទេតើ ផឹកមិនបាច់ដើរផឹកឲ្យគេសែង ផឹកស៊ីនៅបារមានស្រីស្រស់ក្មេង លូកលាន់ប្រឡែងយកចិត្តយកថ្លើម។
-ស្រាបៀរឥឡូវត្រូវរង្វាន់ បានម៉ូតូលាន់ លុយរៀលសម្បើម ពួកយើងគិតផឹក ៗអត់ដង្ហើម ផឹករលួយថ្លើមបានមេដៃមាស។
-សម័យឥឡូវកុំខ្វល់ច្រើនពេក កើតមកក្រោមមេឃសប្បាយទើបឈ្លាស ផឹកទើបយើងហំ សង្គមវិប្បល្លាស គេផឹកតែពាស មិនមែនតែយើង។
-ផឹកស៊ីតឹងវ៉ឹងក្លាខ្លំសំដី ជីវិតមានន័យគ្រួសាររុងរឿង ផឹកៗ គ្រឿងក្លែមទន់មាត់ចិត្តសឿង អាណារករឿងយើងវ៉ៃទាត់ធាក់។
-កើតមកមួយជាតិធាតុតែមួយចាន ក្រពះចំណាន ផឹកលោកនាងអ្នក ផឹកខើចអាយុព្រោះភ្នែកវាធ្លាក់ ផឹកព្រោះមោទនះ ដើមទ្រូងប្រាំហ័ត្ថ។
-ផឹកស៊ីម្តងៗសប្បាយខ្ញៀវខ្ញា មីនាងអាវ៉ា កុំឡូឡាកាត់ ពុកធ្វើគម្រូកូនចៅស្ងៀមស្ងាត់ ផឹកៗប្រយ័ត្នខ្ទេចខ្ទីគ្រឿងក្នុង។
-សម្បូរផៅភឿនពេលផឹកម្តងៗ ក្អាកក្អាយអឺងកងហិនហោចឡុងចុង ឥឡូវខ្លួនឈឺវរវឹកជាប់ជុង ឆ្អិនថ្លើម បម្រុង ទាររកក្តាមជ្ឃូស។
-ឥឡូវភ្ងាក់ខ្លួនតែហួសអស់ហើយ អ្នកផឹកដង្ហើយ ថាមិនគួរខុស ផឹកបង្ហិនលុយខ្លីទាំងអាយ៉ូស បងសូមខមាទោសម៉ែមីង៉ាឯងផង។

Love Poem

13/7/12

កំណាព្យ =ស្នេហ៍ជាអមតះ

-ប: សំណាងបងណាស់បានអូនជាគូរ ស្នេហ៍ជាគម្រូល្អូកល្អឺនពេកក្តាត់ អូនមើលលើមេឃសត្វហើរច្រវាត់ ហ្វូងច្រើនពេកក្តាត់សាក្សីស្នេហ៍យើង។
-ស:អូនក៏ដូច្នោះសែនសប្បាយពេក ស្នេហ៍យើងភ្លឺផ្លេកពណ្ណរាយរុរឿង ទោះព្យុះព្យោមាមកគាស់រំលើង ក៏ស្នេហ៍នៃយើងមិនផ្លាស់ប្តូរឡើយ។
-ប:រស្មីនៃច័ន្ទពណ៌គាប់គួរគន់ ស្នេហ៍ស្រីតូចតន់ ស្មោះមិនកន្តើយ រៀមសូមសន្យាជូនអូនដល់ត្រើយ ភក្តីចម្លើយស្នេហ៍លុះក្សិនក្ស័យ។
-ស:អរគុណដល់បងដែលមេត្តាអូន សណ្តោងសណ្តូនស្នេហ៍ឲ្យមានន័យ បងជាម្ចាស់ចិត្តវិសេសឥតបី រស់មានតម្លៃជ្រកក្រោមទ្រូងបង។
-ប+ស:សន្យាថាស្នេហ៍ជាអមតះ ថ្កើងថ្កានអន័គ្ឃចារជាកម្រង ស្នេហ៍យើងទាំងពីរបរិសុទ្ធឥតហ្មង វេញជាចំណងលុះស្លាប់រៀងៗ។

Cambodia Taxi Driver

14/7/12

កំពង់ចាម ...កំពង់ធំ ...ហា...ត្រូវប៉ាន់ ....ញាត់អត់អាណិត....

-ពេលបុណ្យម្តងៗត្រូវប៉ាន់ណាស់ កុំថាខ្ញុំផ្តាស់ លុយក្រាស់ក្រែល ប៉ូលីសអត់ផាកអត់ក្រវែល ព្រោះលុយខ្ញុំហែលចូលហោប៉ៅ។
-សុំទោសម្តងចុះពូ មីងអុំ កុំប្រកាន់ខ្ញុំ នាំចិត្តក្តៅ យូរៗបានម្តងកុំង៉ូវៗ យល់ចិត្តខ្ញុំទៅយើងម៉ូយគ្នា។ -ឲ្យតែឡានខ្ញុំវាទៅមុខ ឥវ៉ាន់ដាក់ទុកវាហូរហៀ សំពីងសំពោងអត់បញ្ហា ប៉ូលីសនោះណាសុទ្ធគ្នាឯង។
-ស្រុកយើងឥឡូវច្បាប់មិនគិត សំខាន់យល់ចិត្ត លុយឫកខែង បើសិនស្មោះត្រង់នាំឆ្ងាយវែង លុយផ្លុក ស្តាំឆ្វេងឯងទៅចុះ។
-ម្យ៉ាងដែរស្រុកខ្ញុំអត់ខ្លាចច្បាប់ បើចង់ប្រញាប់ រឿងត្រូវខុស តាស្រម៉ូមហុច ល្អទាំងអស់ ខ្មៅប្រែឥតខ្ចោះ ស្រុកចាយលុយ។
-បើឈឺគ្មានប្រាក់កុំទៅពេទ្យ មើលគ្រូស្តោះផែត សុទ្ធប្រថុយ បើរស់សំណាង ចិត្តយើងស្លុយ បើស្លាប់ៗផុយ ព្រោះយើងក្រ។
-នេះហើយសម័យសែនចិត្តសឿង ឆ្លងកាត់ព្យុះភ្លើងទាំងត្រដរ ទ្រាំរស់ឬស្លាប់ តាមជីវោ យើងជាអ្នកក្រអញ្ចឹងហើយ។

Two women and a child

15/7/12

ប្រជុំរឿងព្រេងខ្មែរ =រឿងស្រីពីរនាក់ដណ្តើមកូនគ្នា

-មានស្រី្តម្នាក់ ទឹកភ្នែកសស្រាក់ម្នាក់ឯង។ កំសត់ហួសថ្លែង ព្រោះមិនមានកូននឹងគេ។ មេម៉ាយតោកយ៉ាក រស់សែនពិបាកទុក្ខទ្វេ។ ម្តេចកម្មបុព្វេ ចារមកឲ្យយ៉ាងដូច្នោះ។ ដើរទៅដើរមក ស្រាប់ឃើញកូនគេរូប ស្រស់ ចិត្តត្របាញ់ឆ្ពោះ កើតគំនិតសែនអប្រិយ។ ឱ ម៉ែមីង៉ា យើងសែនសង្កាណាស់វ៉ឺ ឯងសំណាងក្រៃ មានទាំងបុត្រីល្អម្ល៉េះ សុំពរបន្តិច ប្រឡែងចង់បិចថ្ពាល់អេះ ពរជាប់ចង្កេះ ម្តាយគេសុំវិញមិនឲ្យ។ កូនអញទេណា ម្តេចឯងវាចានាំស៊យ មីកន្ទិនហយ មើលមុខមើលក្រោយមុនហារ។ រឿងឈ្លោះកើតឡើង ចចើកចចើងមោហា ប្តឹងដល់រាជា ឲ្យទ្រង់ជួយកាត់សេចក្តី។ ព្រះអង្គទ្រង់ត្រាស់ ពិបាកខ្លាំងណាស់មន្ត្រី ឥឡូវលកលៃ ដាក់កូនឲ្យនៅកណ្តាល។ បើដណ្តើមបាន មានសិទ្ធធរមានត្រកាល ស្រី្តជ្រួលច្រាល ស្ទុះទៅដណ្តើមកូនគ្នា។
-ស្រី្តម្នាក់នោះ ទាញយកពីឈ្នះហានក្លា ម្នាក់ទៀតសោកា សុខចិត្តលែងឲ្យគេឈ្នះ។ ព្រះអង្គឈ្វេងយល់ ពិចារណ៍ហេតុផលសច្ចះ ទ្រង់ដឹងថាម្នាក់ ដែលចាញ់នោះពិតជាម្តាយ។
-ធម្មតាចិត្តម៉ែ អាណិតថ្នមថែឆោមឆាយ បេះដូងប្រេះធ្លាយ ខណះឮសូរកូនយំ។ ឱកូនពន្លក ម៉ែស៊ូវិយោគ រណ្តំ ចាញ់ចុះណាមុំ ឲ្យតែកូនបានសុខកាយ។
-រាជាដាក់ទោស ស្រីម្នាក់នោះចិត្តព្រាយ ១០០រំពាត់លើកាយ ថ្ងៃក្រោយឲ្យនាងរាងចាល។ ព្រហ្មវិហារនៃម្តាយ ដល់បុត្រទាំងឡាយត្រកាល ចោលរស្មីច្រាល ក្រាលដោយទឹកចិត្តមេត្តា។

Visit Angkor Wat

16/7/12

ចម្រៀងយីកេ =ទស្សនាប្រាសាទអង្គរខ្មែរ (លំនាំបទស្តេចផ្ទុំ )

-ប្រាសាទអង្គរល្អឯក គាប់ភ្នែកទេសចរទាំងឡាយ(ពីរដង) ក្បាច់ចម្លាក់សែនល្អឆើតឆាយ​ ស្នាដៃជនជាតិខេមរា (ពីរដង)
-មានទាំងបាគូស្រះស្រង់ ល្អខ្ញង់ពេញបុទុមា (ពីរដង ) វិស័យអម្រឹតសួគ៌ា ទេវតាលោកប្រទានមក (ពីរដង)
-ប្រាសាទវិមានស្កឹមស្កៃ ស្ញើចក្រៃល្អល្អះលើលោក(ពីរដង ) បុព្វបុរសខ្មែរសាងទុកមក គួរភ្នកជួយរក្សាថែ (ពីរដង)
-សុរិយាវរ្ម័ន្នទីពីរ អញ្ជលីផ្ចិតផ្ចង់ណាស់ដែរ(ពីរដង) រជ្ជកាលនៃទ្រង់ថ្កើងទ្វេ ប្រជារស់នៅសុខសាន្ត(ពីរដង)។
-ពង្សាវតាបានប្រាយប្រាប់ រ៉ាយរ៉ាប់ទុកជាពត៌មាន(ពីរដង) សិលាចារឹកជាដាន មាតុភូមិយើងថ្កានរន្ទឺ (ពីរដង)
-ចម្លាក់ច្រើនឥតគណនា​ មហស្ចារ្យល្បីល្បាញដឹងឭ(ពីរដង ) មហានគរផូរផង់ច្រាលភ្លឺ គួរខ្មែរយើងនឹកស្រណោះ (ពីរដង)
-ខ្មែរច្បាំងធ្លាប់ទទួលជ័យ ខ្មាំងភ័យខ្លបខ្លាចឫទ្ធិនោះ(ពីរដង) ធ្វើសឹកសង្រ្គាមល្បីឈ្មោះ ក៏ព្រោះកម្លាំងសាមគ្គី (ពីរដង)
-ប្រាសាទជាមនាបភ័ណ្ឌ ល្អគន់ស្ញប់ស្ញែងគ្មានពីរ(ពីរដង ) ប្រជាមោទនះអញ្ជលី សក្ខីប្រាប់ថាខ្មែរថ្កើង (ពីរដង)
-ពេលបានទស្សនាម្តងៗ អារម្មណ៍ខំផ្ចង់ខ្មែរយើង(ពីរដង ) ថែកេរ្ត៍មរតករុងរឿង ដើម្បីកូនខ្មែរជាន់ក្រោយ (ពីរដង)

What is the most salty lake in the world?

What is the most salty lake in the world? Pls write comment if you know...

Short Story: My Life

កម្រងរឿងខ្លី =ឱ ជីវិតខ្ញុំអើយ .....

នួន (ឈ្មោះសន្មត ) ជាស្រ្តីមេម៉ាយម្នាក់ដែលមានរូបលោមពណ៌ បែបនារីខ្មែរ គួរជាទីប្រតិព័ទ្ធនៃបុរសទាំងឡាយ។នាងមិនព្រមជ្រើសរើសជីវិតគូរទៀតទេ ព្រោះតែនាងខ្លាចគេធ្វើបាបកូនស្រីតែម្នាក់គត់ ដែលនាងស្រឡាញ់ស្មើកែវភ្នែក។ ក្នុងភាពជាគ្រូបង្រៀន និងជាមាតានៃបុត្ត នួនតែងតែប្រកាន់ខ្ជាប់នូវសេចក្តីមេត្តា ការអភ័យទោស ក្តីស្រឡាញ់និងព្យាយាម អប់រំ ដល់កូន និងសិស្ស ដើម្បីឲ្យក្លាយជាពលរដ្ឋល្អរបស់ប្រទេស។ កូនស្រីរបស់នាង ក៏ពេញរូបរាង ហើយក៏មានគូរស្រករ។ នួន ឥឡូវនេះកាន់តែចាស់ណាស់ទៅហើយ មិនយូរប៉ុន្មាននឹង ចូលនិវត្ត។ គាត់ក៏បានផ្ទេរកេរ្ត៍មរតក មានផ្ទះសម្បែងឲ្យទៅកូនស្រីរបស់គាត់។ វេលានេះ កូនស្រីដែលធ្លាប់ជាកូនល្អ មិនដូច ពីមុនទេ គេប្រែជាកូនអកត្តញ្ញូដោយដាច់ចិត្តបណ្តេញម្តាយឲ្យចេញ ពីផ្ទះដើម្បីផ្គាប់ចិត្តស្វាមី។ នួន វេចបង្វិចចាកចេញពីផ្ទះ ទាំងជលនេត្រហូរសស្រាក់ ដោយមិននឹកស្មានថា កូនស្រីសំណព្វចិត្តហ៊ានធ្វើបែបនេះ។ ឥឡូវនេះ គាត់រស់នៅក្នុង បន្ទប់ជួលតូចតែម្នាក់ឯង ដោយគ្មានកូននៅក្បែរដូចមុនឡើយ។ ក្តីស្រម័យ បានឃ្លាតឆ្ងាយបន្តិចម្តងៗ ..... ក្តីស្រម័យថាបានជួបជុំកូន ចៅ ......នៅពេលចាស់ជរា ....ពេលនេះសល់តែភាពទទេ អស់សង្ឃឹម .....! អំពើល្អ ដែលគាត់ខំសាង ស្ទើរតែពេញមួយជីវិត....ម្តេចក៏ជួបកម្មអាក្រក់បែបនេះ ....

17/7/12

Poem Tomnuk Bompe ទំនុកបំពេរ

17/7/12

ទំនុកបំពេរ ..:::::

-ឱណាកូនអើយ កូនគេងទៅ រូបម៉ែនិត្យនៅក្បែរនេះទេ ម៉ែអង្គុយបក់ឲ្យមាសមេ និងច្រៀងបំពេរឲ្យនាងគេងលក់ស្កប់។ -កើតមកជាមនុស្យរស់លើផែនដី ចរិយាប្រពៃ ថ្លៃថ្លាបំផុត ហេតុនេះកូនអើយរំពឹងឲ្យសព្វ មាគ៌ាជាម្លប់គឺព្រះធម៌ថ្លៃ។ -កូនត្រូវខំរៀនចំណេះជាទ្រព្យ ល្អប្រសើរគាប់ ចែងចាំងរស្មី ដុសខាត់ចរិយាឲ្យមានតម្លៃ រាប់រកមេត្រីកុំបីឆ្មៃឆ្មើង។ -កូនអើយស្មោះស្ម័គស្រឡាញ់មាតុភូមិ ភូមិករសុខដុមអាស្រ័យរាស្រ្តយើង បើមានចំណេះត្រិះរិះជាតិថ្កើង ប្រទេសរុងរឿងភ្លឺថ្លាពណ្ណរាយ។ -កុំក្បត់ទឹកដី ក្បត់ជាតិខេមរា គួរពិចារណាឲ្យបានវែងឆ្ងាយ ជាតិជាជីវិត ខេមរាគ្រប់កាយ ច្នេះបុត្រឆោមឆាយត្រូវថែរក្សា។ -បច្ចវេក្ខណញ្ញាណជាគោល គតិផុសធ្គោលព្រមមនសិកា ពលីព្រោះជាតិ ពង្សាវតាចារ វិរភាពអស្ចារ្យមហាបុរសខ្មែរ។ -អរិយធម៌ខ្ពស់យសសែនប្រពៃ កិត្តិនាមល្បាញល្បី តាំងពីបុព្វេ ស្ថាបត្យកម្មល្បីពេញអគ្នេយ៍ គួរផ្ចង់រិះរេកុំឲ្យបាត់បង់។ -បូរណភាពទឹកដីព្រំដែនសីមា តាំងពីដូនតាថែឲ្យគង់វង្យ ប្រាង្គប្រាសាទខ្មែរកេរ្ត៍ពីយូរលង់ រចនាផ្ចិតផ្ចង់គួរឲ្យស្ញប់ស្ញែង។ -កូនអើយត្រូវចាំបណ្តាំមាតា ជាបុត្រខេមរាល្អល្អះលើសលែង មើលពង្សាវតាចារប្រាប់ថ្លាថ្លែង ប្រយ័ត្នប្រយ៉ែងល្បិចខ្មាំងឫស្យា។

The secret of success is to start from scratch , and keep on scratching.

Date: 18/07/2012 The secret of success is to start from scratch , and keep on scratching.

-ស្មៅមួយសរសៃ ជញ្ជូនរាល់ថ្ងៃ លៃក្រងត្បាញថែ អាចផ្តុំពូនជ្រុំ សម្បុកស្ថិតស្ថេរ ស្នាក់នៅរាប់ខែ ផុតពីខ្យល់ភ្លៀង។ -ទឹកមួយតំណក់ លានដងដែលស្រក់ អាចធ្លុះថ្មបាន រីក្តីព្យាយាម គង់តែដល់ថ្កាន ច្នេះស៊ូគ្រប់ប្រាណ នឹងបានជោគជ័យ។ -រីអំបោះសូត្រ ត្បាញចិត្តអំណត់ រាប់លានសរសៃ គង់កើតជាហូល ផាមួងល្អក្រៃ ដោយសារស្នាដៃ អ្នកត្បាញប្រឹតប្រឹង។ -គ្រាប់ពូជតូចមួយ ដាំដុះថែជ្រួយ អាចលូតសន្ធឹង កើតជាព្រៃស្តុក ជង្រុកចម្រឹង ម្រឹគអាចរំពឹង ស្នាក់អាស្រ័យបាន។ -រីលេខអក្ខរា កូនខំសិក្សា រាល់ថ្ងៃអាចឈាន ជាអ្នកចេះដឹង ប្រាជ្ញយល់ចំណាន អនាគតថ្កើងថ្កាន ដោយកូនស្វាធ្យាយ។ ផ្កាស្រស់កន្លង់់ចោម ...... -ផ្កាស្រស់ចោលក្លិនក្រអូបសាយ កន្លង់មិនណាយក្រេបលំអង ចោមរោមហិចហើរក្រវែលផង បានដូចបំណងតែងហើរចោល។ -ជាតិជាស្រ្តីប្រៀបដូចផ្កា បុរសសោតណាដូចកន្លង់ ហេតុនេះកូនអើយត្រូវប្រាណប្រុង កុំបីឆោតល្ងង់ឆាប់ជឿគេ។ -ផ្អែមណាស់ពាក្យលោមឲ្យលង់ចិត្ត បានប្រាណឱបរិត ភ្លេចពាក្យម៉ែ កូនខ្លួនជាស្រីត្រូវគ្នាន់គ្នេរ ប្រពៃណីខ្មែរល្អផូរផង់។ -សង្គមឥឡូវព្រានអាងប្រាក់ ដុល្លាជាធ្នាក់ ឲ្យជាប់ជុង ភ្លើតភ្លើនភ្លេចខ្លួនខូចពូជពង្ស អាស្រូវអស់អង្គនាំមន្ទិល។ -កើតមកជាកុលធីតាខ្មែរ កុំឈ្លក់ភាន់ប្រែ រឿងខូចខិល សំអាតចរិយា ល្អសុរិល ដុសខាត់ឲ្យរិលរឿងមិនល្អ។ -ត្រកូលយើងខ្មែរត្រូវរៀបសារ ស្លៀកពាក់សោតណាសមបវរ កុំខើចឃើញភ្លៅសាច់ខ្ចីស ខូចអរិយធម៌ ខ្មែរមានយស។ -កុំឈ្លក់វង្វេងវប្បធម៌គេ ហូលផាមួងកេរ្ត៍ត្រូវបង់បោះ កូនអើយនាងចាំកុំភ្លេចសោះ ទំនៀមខ្មែរខ្ពស់យសប្រពៃ។ -បើកូនឃ្លាតកាយ ចិត្តនៅចាំ រាល់អស់បណ្តាំ ប្រាប់កូនស្រី ថែខ្លួនប៉ផូរកិត្តិយសថ្លៃ ទោះយើងក្រក្រី មាយាទល្អ។ -ប្រពៃណីខ្មែរពីបុរាណ ល្អល្អះចំណានជាយាយូរ មង្គលសេរី ថ្ងៃបរិបូរ ផ្កាស្លា ជូនពរពីមេបា។

Fruits and Benefit

ផ្លែឈើ និងគុណសម្បត្តិរបស់វា

ផ្លែឈឺ គឺជា ប្រភព នៃ វីតាមីន ធាតុរ៉ែ ប្រូតេអ៊ីន ដ៏ មាន ប្រយោជន៏ សំរាប់ ទ្រទ្រង់ដល់ រាងកាយ ឲ្យមានភាពរឹងមាំ ព្រមទាំងធ្វើអោយសាច់ឈាម ស្រស់ថ្លា។ មិនត្រឹមតែប៉ុណ្ណោះ ផ្លែឈឺ ក៏អាចជួយលុបលាង សារធាតុអាក្រក់ ពិសពុល ចេញពី រាងកាយ និង ជួយទប់ស្កាត់ការឆ្លងរោគផ្សេងៗ បានមួយភាគធំទៀតផង៕

Fruits and Vegetables

សារះប្រយោជន៍របស់បន្លែនិងផ្លែឈើ

មនុស្សគ្រប់រូប តែងតែប្រាថ្នាចង់បាន សុខភាពល្អ ហេតុអ្វី? ជាការពិតណាស់ កាលណា តែមានសុខភាពល្អ អ្វីៗក៏អាច មានដែរ ដូចភាសិតមួយនិយាយថា “អ្នកដែល មានសុខភាពល្អ គឺមានក្តីសង្ឃឹម អ្នកដែល មានសង្ឃឹម គឺមានអ្វីៗទាំង អស់។” ហើយដើម្បីឲ្យ មានសុខភាពល្អ មនុស្សម្នាក់ៗ តែងមាន មធ្យោបាយ ឬវិធីជាច្រើន ទាំងការ ហូបចុក និង លំហាត់ប្រាណ។
បន្លែ និង ផ្លែឈឺ គឺ ជា ប្រភព នៃ វីតាមីន ធាតុរ៉ែ ប្រូតេអ៊ីន ដ៏ មាន ប្រយោជន៏ សំរាប់ ទ្រទ្រង់ រាងកាយ ឲ្យ រឹងមាំ និងសាច់ ឈាម ស្រស់ ថ្លា។ មិន ត្រឹម តែ ប៉ុណ្ណោះ បន្លែ ផ្លែឈឺ ក៏ អាច លុប លាង សារធាតុ អាក្រក់ ពិសពុល ចេញ ពី រាងកាយ និង ទប់ ស្កាត់ ការ ឆ្លង រោគ ផ្សេងៗ បាន មួយ ភាគ ធំ ទៀត ផង។